वणी (जि. नाशिक) : चाफ्याचा पाडा, ता. दिंडोरी येथे पत्नीवर चारित्र्याचा संशय घेत पतीने पत्नीवर कुऱ्हाडीचे घाव घालीत हत्या केल्याची धक्कादायक घटना घडली असून, पोलिसांनी आरोपी पतीस अटक केली आहे.

पोलिसांनी दिलेली माहिती अशी की, लहानु मोतीराम धोंगडे रा. चाफ्याचा पाडा, पो. देवसाने ता. दिंडोरी याने पत्नी नंदा मोतीराम धोंगडे वय २८ वर्षे हिच्यावर चारित्र्याचा संशय घेवून तिच्याशी भांडण करुन, मनात राग धरुन आज गुरुवार, ता. २१ रोजी सकाळी ५.३० ते ६.०० वाजेच्या दरम्यान घरातील कुऱ्हाडीने तिच्या डोक्यावर, मानेखाली आणि खांदयाजवळ वार करीत हत्या केली आहे. याबाबत मयताचे भाऊ लक्ष्मण तुळशीराम धुम, वय ३० रा. चिकाडी पो. सालभोये ता. सुरगाणा याच्या फिर्यादीवरुन खुनाचा (Murder) गुन्हा दाखल करण्यात आला आहे. याबाबत अधिक तपास पोलिस उपनिरीक्षक प्रविण उदे व पोलिस उपनिरीक्षक रघुनाथ भरसट करीत आहे.