नाशिक : मनमाड रेल्वेस्टेशन (Railway station) येण्यापूर्वी परराज्यातून अटक करून आलेल्या संशयिताने पोलीस हवालदाराच्या हाताला झटका देत धावत्या रेल्वेतून उडी घेतली.

यात जखमी झालेल्या संशयिताचा उपचारादरम्यान मृत्यु (Death) झाला. याप्रकरणी सरकारवाडा पोलिसात नोंद करण्यात आलेली आहे. (Suspects who jumped from moving train dies nashik Latest Marathi News)

तबारक रयनी उर्फ चिन्हे (४०, रा. दरधावा, ललिया, जि. बलरामपूर, उत्तरप्रदेश) असे मयत संशयिताचे नाव आहे. कांदीवली पोलीस ठाण्याचे सोहन कदम यांनी दिलेल्या फिर्यादीनुसार, मुंबईच्या कांदिवली पोलीस ठाण्यात दाखल चोरीच्या गुन्ह्यात संशयित तबारक यास कांदिवली पोलिसांनी उत्तरप्रदेशातून अटक केली होती.

त्यास पुष्पक एक्सप्रेसने घेऊन येत असताना गुरूवारी (ता.२१) सायंकाळी पाच वाजेच्या सुमारास मनमाड रेल्वे स्टेशन येण्याच्या काही वेळेआधी संशयित तबारक याने लघुशंकेला जाण्याचा बहाणा केला. त्यावेळी हवालदार केसरकर यांचया हाताला झटका देत त्याने धावत्या रेल्वेतून बाहेर उडी मारली.

या घटनेत तबारक याच्या डोक्याला गंभीर दुखापत झाली होती. त्यास पोलिसांनी पकडून मनमाडच्या शासकीय रुग्णालयात दाखल केले असता, प्राथमिक उपचार करून त्यास नाशिक जिल्हा रुग्णालयात दाखल करण्यास सांगितले.

त्यानुसार त्यास तात्काळ नाशिक जिल्हा रुग्णालयात दाखल करण्यात आले. त्याच्या उपचार सुरू असताना त्याचा शुक्रवारी (ता.२२) मध्यरात्री मृत्यु झाला. याप्रकरणी सरकारवाडा पोलिसात नोंद करण्यात आली आहे.