नाशिक : शहरात ९२ हजार पथदीपांवर एलईडी फिटिंग बसविताना होणारा विलंब लक्षात घेता पुन्हा एकदा मुदतवाढ देण्यात आली आहे. मात्र ही मुदतवाढ फक्त नोव्हेंबरअखेरपर्यंत असून, त्यानंतर १ डिसेंबरपासून दंड आकारण्याचा निर्णय घेण्यात आला. 

अवघे ३५ हजार पोलवर फिटिंग

वीजबचतीच्या उद्देशाने शहरातील ९२ हजार पथदीपांवर एलईडी फिटिंग बसविण्याचा निर्णय घेण्यात आला. सात वेळा निविदाप्रक्रिया राबविल्यानंतर मे. टाटा प्रोजेक्टला काम देण्यात आले. २०१९ मध्ये स्थायी समितीने प्रकल्पाला मान्यता दिल्यानंतर आचारसंहितेमुळे कार्यारंभ आदेश देण्यास विलंब झाला. निवडणुकीनंतर कार्यारंभ आदेश मिळाल्यानंतर काम सुरू होणे अपेक्षित होते. ऑगस्ट २०१९ ते जून २०२० हा कालावधी एलईडी फिटिंग बसविण्यासाठी निश्‍चित करण्यात आला. परंतु या कालावधीत अवघे ३५ हजार पोलवर फिटिंग बसल्या. त्यानंतर कोरोनामुळे लॉकडाउन जाहीर करण्यात आल्याने पुन्हा कामाला विलंब झाला. 

हेही वाचा > नाशिकच्या गुलाबी थंडीत हॅलिकॉप्टरने अचानक आमीर खानची एंट्री होते तेव्हा..!..

तिसरी मुदतवाढ देताना दंड आकरण्याची सूचना

जूनमध्ये मुदत संपुष्टात आली. जून ते नोव्हेंबर या सहा महिन्यांच्या कालावधीत एलईडी बसविण्याचे नव्याने आदेश देण्यात आले. परंतु अद्यापही काम पूर्ण झाले नाही. स्थायी समितीच्या बैठकीत नगरसेवक कमलेश बोडके यांनी एलईडी बसविण्याचा मुद्दा मांडला. वीज विभागाचे अधीक्षक अभियंता शिवाजी चव्हाणके यांनी आतापर्यंत १३ टक्के काम अपूर्ण असल्याची माहिती दिली. मुदतीत काम पूर्ण न केल्यास तिसरी मुदतवाढ देताना दंड आकरण्याची सूचना करण्यात आली. त्यानुसार १ डिसेंबरपासून दंड आकारणीच्या सूचना देण्यात आल्या.  

हेही वाचा > नाशिकच्या गुलाबी थंडीत हॅलिकॉप्टरने अचानक आमीर खानची एंट्री होते तेव्हा..!..