नाशिक : निसर्गाचा समतोल राखण्यासाठी वृक्षाचे अनन्य महत्व असून ती लावण्यासोबतच त्याचे संगोपन देखील महत्वाचे असल्याचे प्रतिपादन पालकमंत्री छगन भुजबळ यांनी केले. क्रेडाई नाशिक मेट्रो तर्फे हाती घेतलेल्या वृक्षारोपण मोहीमेच्या शुभारंभ  प्रसंगी बोलत होते. क्रेडाई नाशिक मेट्रो तर्फे नाशिक शहरातील विविध ठिकाणी दहा हजार वृक्ष रोपण करण्याची मोहीम हाती घेतली असून  स्वातंत्र्य दिना निमित्त मोहिमेचा शुभारंभ  करण्यात आला. पहिल्या टप्प्यात  सिटी सेंटर मॉल जवळ लव्हाटे नगर भागातील महापालिकेच्या उद्यानामध्ये झाडे लावण्यात आली.  

पर्यावरणासाठी वृक्षारोपणाचे  काम निरंतर करावं लागणार आहे. त्यासाठी क्रेडाईने सामाजिक बांधिलकीतुन एक महत्वाचं पाऊल उचललं आहे. झाडे लावण्याबरोबरचं त्याचे संगोपन महत्वाचे असून किती झाले लावली यापेक्षा किती झाडे जगवली याला अधिक महत्व आहे. वृक्षरोपण व संगोपनाचा आजचं विचार केला तर भविष्यात पुढच्या पिढीला फायदा होईल असे नाशिकचे पालकमंत्री छगन भुजबळ यांनी म्हटले. क्रेडाई नॅशनलचे अध्यक्ष सतीश मगर यांच्या संकल्पनेने राष्ट्रीय स्तरावर १५ ते २२ ऑगस्ट दरम्यान कल्पवृक्ष या मोहिमेची सुरवात करण्यात आली असून दहा लाख वृक्षरोपणाचा संकल्प करण्यात आला आहे.  त्या अनुषंगाने क्रेडाई महाराष्ट्राचे अध्यक्ष राजीव पारीख यांनी महाराष्ट्रातील सर्व ५६ क्रेडाईच्या शाखा असलेल्या शहरांमध्ये हा वृक्षारोपण सप्ताह साजरा करावा असे आवाहन केले होते.  त्याचाच एक भाग म्हणून नाशिक मध्ये देखील दहा हजार झाडे लावली जाणार आहेत.

हेही वाचा > क्रूर नियती! "बाबा..तुमच्या दशक्रियेला नाही येऊ शकले..म्हणून तुमच्याकडेच आले" वडिलांमागे लेकीचीही अंत्ययात्रा

मोहिमे अंतर्गत नाशिक मध्ये कडुलिंब, वड, पिंपळ ,बहावा हि भारतीय प्रजातीची झाडे लावली जाणार आहेत. यावेळी नगरसेवक शिवाजी गांगुर्डे,  क्रेडाई नॅशनलचे  खजिनदार अनंत राजेगांवकर, क्रेडाई महाराष्ट्राचे सचिव सुनील कोतवाल, क्रेडाईचे माजी अध्यक्ष नेमीचंद पोद्दार, सुरेश पाटील, सचिव गौरव ठक्कर,  सहसचिव अनिल आहेर, सचिन बागड, हितेश पोद्दार, तेजस चव्हाण आदी उपस्थित होते.

हेही वाचा > "कृष्णाचा जन्म जेलमध्ये झाला तेव्हा तुला जेलबाहेर पडायचंय?" सरन्यायाधीश बोबडेंचा आरोपीला प्रश्न; कोर्टात मजेशीर वातावरण

संपादन - रोहित कणसे