नाशिक : ९४ व्या अखिल भारतीय मराठी साहित्य संमेलनासाठी (Marathi sahitya sammelan) दि नाशिक मर्चंट को-ऑपरेटिव्ह बँकेने (the nasik merchants co-op bank) ११ लाख रुपयांचा धनादेश (eleven lac fund) अध्यक्ष हेमंत धात्रक (hemant dhatrak) यांनी स्वागताध्यक्ष छगन भुजबळ (chhagan bhujbal) यांच्याकडे सोमवारी (ता. १) सुपूर्द केला.

स्वागताध्यक्ष भुजबळ म्हणाले, की नामको बॅंकेने नेहमीच सामाजिक कामाला मदत केली आहे. अनेक संस्थांना मदतीचा हात दिला आहे. नाशिकमध्ये होऊ घातलेल्या संमेलनासाठी त्यांनी मदत दिल्याने मोठा आधार मिळाला आहे. संमेलनासाठी अनेक संस्था मदत करीत असून, अजूनही संस्थांनी पुढे यावे, असे आवाहन स्वागताध्यक्ष भुजबळ यांनी केले.

माजी मंत्री जयकुमार रावल, पंकजा मुंडे, नामकोचे उपाध्यक्ष प्रकाश दायमा, जनसंपर्क संचालक शोभा छाजेड, संचालक वसंत गिते, सोहनलाल भंडारी, विजय साने यांच्यासह संचालक मंडळ उपस्थित होते. जयप्रकाश जातेगावकर यांनी नामको बॅंकेच्या पदाधिकाऱ्यांचे आभार मानले.