Theft in seven houses in one night at Dahiwad and Wakhari nashik marathi news 
नाशिक

घरफोडीच्या घटनांनी दहिवड, वाखारी हादरले! एकाच रात्रीत फोडली सात घरे

मोठाभाऊ पगार

देवळा (जि.नाशिक) : देवळा तालुक्यातील दहिवड व वाखारी येथे शनिवारी (ता. १६) रात्री घरफोडीच्या सात घटना घडल्याने ग्रामीण भागात घबराटीचे वातावरण आहे. बंद घरे फोडण्याचे धोरण चोरट्यांनी अवलंबल्याचे दिसून येते. यातील फक्त एकाच चोरीच्या घटनेची नोंद देवळा पोलिसांत झाली आहे. 

दहिवड येथे एकाच गल्लीतील तीन घरांमध्ये घरफोडी झाल्याची घटना रविवारी (ता. १७) सकाळी उघडकीस आली. या तिन्ही कुटुंबातील व्यक्ती बाहेरगावी गेल्याचा फायदा घेत चोरट्यांनी चोरी केली आहे. अरुणा यशवंत कापडणीस यांनी देवळा पोलिसांत दिलेल्या फिर्यादीनुसार त्यांच्या घरातील ५२ हजार रुपये (एकूण दोन हजारांच्या २६ चलनी नोटा), १५ हजार रुपये किमतीची सोन्याची चेन, तीन हजार रुपये किमतीचे चांदीचे वाळे आणि पायातील बेले असा एकूण ७० हजार रुपयांचा ऐवज चोरट्यांनी लंपास केला, तर त्यांच्यासमोरील सुखदेव शंकर दंडगव्हाळ यांच्या व बापू हरी पाठक यांच्या घरांच्यादेखील दरवाजांचे कुलूप कटरच्या सहाय्याने कापून आतमधील वस्तूंची शोधाशोध केली आहे. मात्र, घरमालक प्रत्यक्ष हजर नसल्याने घरातील काही ऐवज लंपास झाला की नाही ते कळू शकले नाही. 

वाखारीत चार ठिकाणी चोरी 

वाखारी येथे पिंपळेश्‍वर ग्रामीण पतसंस्था, यशवंत शिरसाठ यांचे घर, पोस्ट ऑफिस व डॉ. संजय शिरसाठ यांचा दवाखाना अशा चार ठिकाणी कुलपे तोडत चोरी करण्याचा प्रयत्न झाला आहे. मात्र, चोरट्यांच्या हाती जास्त काही न लागल्याने किरकोळ वस्तू व रक्कम चोरीस गेली आहे. या प्रकरणी पोलिस निरीक्षक सुहास देशमुख यांच्या मार्गदर्शनाखाली पोलिस उपनिरीक्षक संजय मातोंडकर, पोलिस कर्मचारी अशोक फसाले, किरण पवार आदी तपास करीत आहेत. 

तोडलेली कुलपेही नेली सोबत 

चोरट्यांनी दहिवड व वाखारी येथे एकाच रात्री सात ठिकाणी घरफोड्या केल्या. बंद घरांचे कुलूप तोडून मुद्देमाल लंपास केला. विशेष म्हणजे तोडलेली सर्व कुलपे चोरटे सोबत घेऊन गेले. चोरट्यांचा हा नवा फंडा पाहून अनेकांनी आश्‍चर्य व्यक्त केले आहे. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sanjay Shirsath Video: पैशाने भरलेली बॅग अन् हातात ग्लास घेऊन बेडवर बसले; शिरसाटांचा धक्कादायक व्हिडीओ व्हायरल

Ujani Dam: 'उजनी धरणात ११४ टीएमसी पाणीसाठा'; २० हजार क्युसेकची आवक, भीमा नदीत सोडला १६ हजारांचा विसर्ग

Bitcoin All Time High: बिटकॉइनने गाठला नवा उच्चांक; एका बिटकॉइनसाठी किती रुपये द्यावे लागणार?

Crime News : मुलांना जेवणातून द्यायची झोपेच्या गोळ्या, मग प्रियकर यायचा अन्..., बीनाने अडथळा ठरणाऱ्या पतीचा 'असा' काढला काटा

Artificial Intelligence: 'जमीन, जागांवरील अतिक्रमण रोखण्यासाठी आता ‘एआय’चा वापर'; विकसित महाराष्ट्र-२०४७ साठी ‘महसूल’चे सर्वेक्षण

SCROLL FOR NEXT