नाशिक : (येवला) श्रावणातील मनमोहक देखणे सौंदर्य पहायचे असेल तर अनकाई किल्ल्यावर जायलाच हवे..येथे हिरवागार फुलणारा किल्ला सर्वांचे लक्ष वेधतो.. किंबहुना चारही श्रावणी सोमवारी येथे यात्रा भरते. मात्र सध्या तुम्ही इथे जाल तर पोलिसांच्या कारवाईला तुम्हाला सामोरे जावे लागेल,कारणही तसेच आहे...
अनकाई किल्ला पहिल्या सोमवारी सुनासुना
सध्या संपूर्ण नाशिक जिल्ह्यात कोरोना विषाणूचा संसर्ग आजाराचा प्रादुर्भाव वाढत आहे. शहर व येवला तालुक्यात ग्रामीण भागात खेडोपाडी दिवसेंदिवस कोरोनाचे रुग्ण मोठ्या प्रमाणात आढळून येत आहे. श्रावण महिना चालू होत असून श्रावणी सोमवारनिमित्त अनकाई किल्ला या ठिकाणी अगस्तीमुनी यांचे दर्शनासाठी व पर्यटनासाठी जिल्ह्यातून तसेच बाहेर जिल्ह्यातून मोठ्या संख्येने भाविक दर्शनासाठी येत असतात. परंतु सध्या जिल्हाधिकाऱ्यांनी कोरोना संसर्ग आजाराचा प्रादुर्भाव रोखण्यासाठी फौजदारी संहिता कलम 144 (2) प्रमाणे लॉकडाऊन आदेश जारी केले आहे. तसेच सार्वजनिक ठिकाणी गर्दी करणे, यात्रा, उरूस, सामाजिक कार्यक्रम, धार्मिक कार्यक्रम घेण्यास बंदी घातली आहे.
...अन्यथा होणार कारवाई
त्याअनुषंगाने अनकाई किल्ला येथे किल्ल्यावर जाण्यास बंदी घालण्यात आली आहे. त्यामुळे अनकाई किल्ला याठिकाणी दर्शनासाठी येऊ नये, आपापले घरी धार्मिक विधी पार पाडावेत असे आवाहन उपविभागीय पोलीस उपधीक्षक समीरसिंग साळवे, तालुका पोलीस स्टेशनचे पोलीस निरीक्षक अनिल भवारी यांनी केले आहे. नियमांचे उल्लंघन करून येथे गर्दी केल्यास पोलीस कारवाई करतील असा इशाराही देण्यात आला आहे.
(संपादन - किशोरी वाघ)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.