नाशिक / येवला : कुणाला 10 तर कुणाला पंधरा वर्षे झाले पण अद्याप वेतन नाही त्यामुळे शासनाने पारित केलेल्या आदेशानुसार विनाअनुदानित कनिष्ठ महाविद्यालय प्राध्यापकांना तत्काळ अनुदान द्यावे यासह विविध मागण्यांसाठी आज जिल्ह्यातील हजारो प्राध्यापक घरात आत्मक्लेश आंदोलन करत आहेत.सरकारचे लक्ष वेधण्यासाठी सर्व उच्च माध्यमिक, कनिष्ठ महाविद्यालयीन अनुदानित,विना अनुदानित समस्याग्रस्त शिक्षकांनी या आंदोलनात सहभागी झाले आहेत.

तत्काळ शासनादेश मंजूर करावा
कोरोनाच्या पार्श्वभूमीवर निर्माण झालेल्या समस्यांकडे शासन दुर्लक्षच करत असल्याने शिक्षक महासंघाने अखेर मंगळवारी (दि.26) आत्मक्लेश आंदोलन सुरू केले आहे. महासंघाचे अध्यक्ष डॉ. संजय शिंदे, सचिव प्रा संतोष फाजगे यांनी याबाबत इशारा दिला होता. याबाबत राज्याचे मुख्यमंत्री उध्दव ठाकरे व शिक्षणमंत्री वर्षा गायकवाड यांना निवेदन देऊन याकडे लक्ष वेधले आहे.
राज्यातील मूल्यांकन पात्र घोषित किंवा अघोषित उच्च माध्यमिक, कनिष्ठ महाविद्यालये व तुकड्यांना 11 मार्च 2020 च्या वित्त विभागाच्या मंजुरीनुसार अनुदान घोषित करावे.त्यासाठी तत्काळ शासनादेश मंजूर करण्याची मागणी शिक्षक महासंघाने केली आहे. 

पाठपुरावा करूनही शासन स्तरावरुन निर्णय नाहीच
गेल्या अनेक दिवसांपासून मागण्यांसाठी पाठपुरावा करूनही शासन स्तरावरुन कोणताच निर्णय घेतला जात नसल्याने अखेर शासनाविरोधात आता शिक्षकांनी आंदोलनाचा पवित्रा घेतला आहे. त्यानुसार तालुका, जिल्हा व राज्य पातळीवरील सर्व कार्यकारणी सदस्य व पदाधिकारी उपोषणाद्वारे आत्मक्लेश आंदोलन घरी बसूनच करत आहेत.

हेही वाचा > ह्रदयद्रावक! घरी लग्नाची धामधूम...अन् हळदीच्याच दिवशी प्रेमीयुगुलाला अग्निडाग..पित्यावर दुर्दैवी प्रसंग..​

■ या आहेत प्राध्यापकांच्या मागण्या
● राज्यातील मूल्यांकन पात्र घोषित किंवा अघोषित कनिष्ठ महाविद्यालयांना 11 मार्च 2020 च्या वित्त विभागाच्या मंजूरीनुसार अनुदान घोषित करावे
●2003-04 पासून 2017-18 पर्यंतच्या वाढीव व व्यपगत पदांना मंजूरी देऊन त्यावर कार्यरत शिक्षकांना वेतन मिळावे
●राज्यातील माहिती तंत्रज्ञान (आयटी) विषय शिक्षकांना अनुदान देऊन वेतन द्यावे
●2 मे 2012 नंतर नियुक्त शिक्षकांना मान्यता व वेतन द्यावे
●11वीच्या किमान परीक्षा दिलेल्या सर्व विद्यार्थ्यांना 12वीत प्रवेश देण्यात यावा

■ राज्यभर कनिष्ठ महाविद्यालयीन संघटनेच्या वतीने घरात बसून आत्मक्लेश आंदोलन करण्यात येत आहे.या आंदोलनाबाबत कनिष्ठ महाविद्यालयीन महासंघाचे येवला तालुकाध्यक्ष प्रा.एम.पी.गायकवाड यांनी मांडलेली भूमिका.

हेही वाचा > "रेड झोन' आला आडवा...विवाहितेचा मुलासह आत्महत्येचा निर्णय..त्यावर वडिलांची युक्ती सफल!