नाशिक /जायखेडा : तुकाराम बीजनिमित्त पंढरपुरहून देहूला निघालेल्या जायखेडा (ता. बागलाण) येथील दिंडीतील वारकऱ्यांना धक्काबुक्की व शिवीगाळ केल्याप्रकरणी खडकी पोलिसांनी तीन संशयितांना अटक केली.  वारकऱ्यांना मद्यपान केलेल्या पाच ते सहा जणांनी शिवीगाळ करीत दगडाने मारहाण केल्याचा धक्कादायक प्रकार पुण्यातील खडकी येथे घडला. या घटनेनंतर सर्वत्र संताप व्यक्त करण्यात येत असून, गुन्हेगारांवर कडक कारवाई करावी अशी मागणी वारकरी बांधवांकडून करण्यात आली होती. खडकी पोलीस ठाण्याचे पोलीस अधिकाऱ्यांनी तत्परतेने कार्यवाही करीत तीन संशयितांना ताब्यात घेऊन कारवाई केली.",

क्लिक करा > VIDEO : जावईबापू म्हणतात.."मी गाढवावरून मिरवणार..सगळ्यांचीच जिरवणार" "शंभर वर्षांची प्रथा आहे हो!"

अशी घडली घटना....

दरवर्षीप्रमाणे यंदाही (ता.१०) तुकाराम बीज निमित्त पंढरपुर ते देहू पायी दिंडी निघाली होती. या दिंडीमध्ये जायखेडा येथील वै. कृष्णाजी माऊलींच्या शिष्यांसह अनेक वारकरी सहभागी झाले होते. मंगळवारी दुपारी एक वाजता ही दिंडी खडकीतील किर्लोस्कर कंपनीजवळील ब्राऊन चेरी येथे पोचली. त्यावेळी मद्यपान केलेल्या चार ते पाच जणांनी वारकऱ्यांना रंग टाकण्याच्या कारणावरून  शिवीगाळ करीत त्यांच्यावर दारुच्या बाटल्या फेकल्या व १८ ते २० वारकऱ्यांना त्यांनी काठीने व दगडाने मारहाण करण्याचा प्रयत्न केला. या घटनेची माहिती काही वारकऱ्यांनी जायखेडा येथील मूळ रहिवासी व पुणे येथील सामाजिक कार्यकर्ते नंदकुमार गोसावी यांना मोबाईलद्वारे कळवताच त्यांनी तातडीने वरिष्ठ पोलीस अधिकाऱ्यांशी संपर्क साधून पोलिसांची मदत मिळून दिली. त्यानंतर कडेकोट बंदोबस्तात दिंडी देहूकडे रवाना करण्यात आली.

हेही वाचा > आयुक्त विश्वास नांगरे पाटील "इन ऍक्शन मोड'! आखला 'ऍक्शन प्लॅन"

सीसीटीव्हीच्या आधारे कारवाई
गुन्हेगारांवर कडक कारवाई करावी अशी जोरदार मागणी कृष्णाई प्रतिष्ठान व परिसरातील वारकऱ्यांकडून करण्यात येत होती. पोलिसांनी सी. सी. टी. व्ही. आधारे तिघांना ताब्यात घेतल्याने समाधान व्यक्त करण्यात येत आहे.