वीरगाव (जि. नाशिक) : साक्री- शिर्डी रस्त्याचे काम अतिशय संत गतीने सुरू असल्यामुळे या रस्त्यावर मोठमोठे खड्डे (Potholes) पडलेले आहेत. या रस्त्यावरील वनोली येथे पिंपळकोठे येथील कांद्याने भरलेला ट्रॅक्टर (Tractor) उलटला. यामुळे रस्त्यावर वाहतुकीचा खोळंबा झाला होता. (Tractor overturned on Sakri-Shirdi highway nashik Latest Marathi news)

या मार्गावर तीन वर्षापासून काम सुरू असून, अद्याप कामास गती मिळाली नसल्यामुळे वाहतुकीस मोठ्या प्रमाणात अडचणी निर्माण झाल्या आहेत. सटाणा बाजार समितीमध्ये मोठ्या प्रमाणात कांदा विक्रीसाठी नेला जातो. मात्र, रस्त्याच्या कामामुळे वाहनधारकांना अडचणींचा सामना करावा लागत आहे. संबंधित ठेकेदाराच्या मनमानीमुळे शेतकरी व वाहनधारकांचे हाल होत आहे.