नाशिक : (चांदोरी) जानेवारी महिना आला की, कॉलेजमध्ये 'अँन्युअल डे'चे वारे वाहू लागतात. डेज म्हणलं की तरूणाईत सळसळता उत्साह दिसतो. साडी डे, रोज डे, टाय डे, ट्रॅडिशनल डे, मिसमॅच डे असे अनेक डेज साजरे केले जाते. चांदोरी येशील के के वाघ महाविद्यालयात 'डेज' मध्ये विविध डेज मोठ्या उत्साहाने साजरे केले जात आहे. त्यातल्यात्यात चांदोरी सारख्या ग्रामीण भागातील कॉलेजमध्ये वेगळेच चित्र दिसले. 

विद्यार्थी व शिक्षक गेले भक्ती रसात वाहून

 'ट्रॅडिशनल डे' होता परंतु, विद्यार्थी व शिक्षक भक्ती रसात वाहून गेले. यात विद्यार्थ्यांनी महाराष्ट्राची सांस्कृतिक परंपरा मजबूत करणाऱ्या वारकरी संप्रदायाची ओळख करून देणारी दिंडी काढली होती. टाळ-मृदुंगाच्या गजरात हरिनामाचा जप करत महाविद्यालयाच्या प्रवेशव्दारातून युवा वारकर्यांनी प्रवेश करताच सर्वांचे लक्ष वेधून घेतले. संत ज्ञानेश्वर, संत नामदेव व संत तुकारामांच्या अभगांच्या तालासुरातील सादरीकरणाने वातावरणात प्रसन्नता निर्माण केली.

हेही वाचा > तालुक्‍यातील 'या' ग्रामपंचायतीला सर्वप्रथम डिजिटल ग्रामपंचायतचा मान!

लोकसंगीताच्या बहरदार सादरीकरणाने व देखाव्यांनी उपस्थितांची मने 

हरिनामाच्या जयघोषाने वातावरण दुमदुमून गेले. तसेच, दुसऱ्या एका विद्यार्थी समूहाने महाराष्ट्राचे आराध्य दैवत जेजुरीचा खंडोबा, बाणाई व म्हाळसा यांच्या रुपात येऊन गोंधळ जागरणाची गाणी म्हटली. लोकसंगीताच्या बहरदार सादरीकरणाने व देखाव्यांनी उपस्थितांची मने जिंकली. यावेळी स्नेहसंमेलन समन्वयक डॉ.अरुण ठोके, महाविद्यालयाचे प्राचार्य डॉ. आर. के. दातीर यांनी विद्यार्थ्यांच्या उपक्रमांना दाद देऊन त्यांचे अभिनंदन केले.

हेही वाचा > बंदी असूनही बिंग फुटले..अन् दुसरीकडे पोलीस म्हणताएत "असे काही घडलेच नाही"