पालखेड (मिरचिचे) (जि. नाशिक) : निफाड- पिंपळगाव रोडवरील दावचवाडी येथे एकाचवेळी तीन विवाह सोहळे असल्याने सायंकाळच्या सुमारास मोठ्या प्रमाणात वाहतूक कोंडी झाली. त्यामुळे वाहनांच्या लांबच लांब रांगा लागल्या होत्या. (Traffic jam due to one time simultaneous wedding ceremonies Nashik News)

शुक्रवारी (ता. २०) विवाह मुहूर्त मोठ्या प्रमाणात होते. त्यामुळे प्रत्येक सोहळ्याला हजेरी लावण्यासाठी प्रत्येकाची धावपळ सुरू होती. निफाड- पिंपळगाव मार्गावरील दावचवाडीजवळील एका लॉन्सवरील विवाह सोहळ्यांमुळे वाहतूक कोंडी निर्माण झाली होती. पोलिसांचा फौजफाटा नसल्याने वाहतूक कोंडीत आणखी भर पडली. त्यामुळे अनेकांना मन:स्ताप सहन करावा लागला. अनेकांना वेळेवर विवाह सोहळ्यांना पोहचता आले नाही. पोलिसांनाही तत्काळ पोहचणे शक्य नसल्याने बराच काळ वाहतूक कोंडी होती.