नाशिक : पुणेमार्गाच्या दिशेने लोखंडी साहित्य घेऊन जाणाऱ्या ट्रकमधून साहित्य रस्त्यावर पडण्याची घटना मंगळवारी (ता. 4) सकाळी सहाच्या सुमारास द्वारका चौकात घडली. सकाळच्या वेळेत वाहतूक कमी असल्याने अनर्थ टळला. तीन तासांच्या प्रयत्नांनंतर क्रेनच्या सहाय्याने रस्त्यावर पडलेले साहित्य बाजूला नेत वाहतूक सुरळीत झाली.
असा घडला प्रकार
पुणे मार्गाच्या दिशेने लोखंडी साहित्य घेऊन ट्रक (केए 11, के 5172) जात होता. सोमवारी (ता. 4) सकाळी सहाच्या सुमारास ट्रक द्वारका चौकातून द्वारका हॉटेलच्या दिशेने वळण घेत असताना अचानक ट्रकमधील लोखंडी साहित्य रस्त्यावर पडले. साहित्य पडण्याचा आवाज मोठ्याने झाल्याने परिसरातील नागरिक काही वेळेसाठी भयभीत झाले अन् वाहतुकीवर त्याचा परिणाम झाला. पोलिसांना माहिती मिळताच ते घटनास्थळी दाखल झाले. त्यांनी या मार्गावरील वाहतूक अन्य मार्गावरून वळविली. क्रेनच्या सहाय्याने रस्त्यावर पडलेले साहित्य बाजूला केले व नंतर पुन्हा ट्रकमध्ये ठेवण्यात आले. सुमारे तीन तासांच्या कामकाजानंतर वाहतूक सुरळीत झाली. सकाळची वेळ असल्याने वाहतूकही कमी होती आणि नागरिकांचाही वावर नसल्याने कुठल्याही प्रकारची दुर्घटना घडली नाही अन्यथा मोठा अनर्थ घडला असता.
हेही वाचा > 'ज्यांना' संकटग्रस्त अबला 'तो' समजत होता...त्या तर चक्क...विश्वास नांगरे पाटलांचा फंडा यशस्वी!
हेही वाचा > धक्कादायक! क्लासमध्ये 'ती" शिकवायची मुलांना..बऱ्याच वेळानंतर क्लासचा दरवाजा उघडला तेव्हा धक्काच...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.