नाशिक : पिक-अपवर पुढच्या बाजूला "अत्यावश्‍यक सेवा किराणामाल, शेतीऔजारे व भाजीपाला' असा बोर्ड दिसल्याने पिक-अप चालकाकडे गाडीत काय आहे, याबाबत चौकशी केली. गाडीत काही नसल्याचे चालकाने सांगितले. कत्तलीसाठी विनापरवाना चार बैलांची वाहतूक करणारी पिक-अप व्हॅन पोलिसांनी ताब्यात घेत चालकासह एकाविरुद्ध गुन्हा दाखल केला. या व्हॅनमधून चार बैलांची सुटका करण्यात आली. खोटा परवाना लावून शासनची फसवणूक केल्याप्रकरणीही गुन्हा दाखल झाला. 

अशी आहे घटना

कोशिंबे (ता. दिंडोरी) येथील चौफुलीवर आपले कर्तव्य बजावत असताना हवालदार अंबादास गायकवाड, कोशिंबेचे तलाठी महेश भोये, ग्रामसेवक एकनाथ गायकवाड यांनी भनवडकडून लखमापूरकडे जाणारी पिक-अप (एमएच 15 एफव्ही 1152) थांबविली. पिक-अपवर पुढच्या बाजूला "अत्यावश्‍यक सेवा किराणामाल, शेतीऔजारे व भाजीपाला' असा बोर्ड दिसल्याने पिक-अप चालकाकडे गाडीत काय आहे, याबाबत चौकशी केली. गाडीत काही नसल्याचे चालकाने सांगितले. त्याचवेळी गाडीतून जनावरांचा आवाज आल्यानंतर पोलिसांना गाडीत चार बैल आढळून आले. या बैलांची वाहतूक कत्तलीसाठी होत असल्याचे पोलिसांना कळताच चालक सचिन पवार (रा. बजरंगवाडी, विल्होळी) याच्याकडे विचारपूस केली असता त्याने राजू सोनवणे (रा. पिंपळगाव बसवंत) यांच्या सांगण्यावरून वाहतूक करीत असल्याचे सांगितले. पोलिसांनी चार बैलांसह पिक-अप व्हॅन असा सुमारे पाच लाख 27 हजारांचा मुद्देमाल जप्त करत चालक आणि राजू सोनवणे यांच्याविरुद्ध गुन्हा दाखल केला. बैलांची सुटका करत पशुवैद्यकीय अधिकाऱ्यांकडून तपासणी करून त्यांची येथील श्रीकृषी गोशाळा, पांजरपोळ येथे चारापाण्याची व्यवस्था करण्यात आली. 

हेही वाचा > धक्कादायक!...अन् 'त्या' पोलिस उपनिरीक्षकाने स्वत:वरच झाडली गोळी...

अत्यावश्‍यक सेवेच्या नावाखाली फसवणूक 

या वेळी जप्त करण्यात आलेल्या वाहनावर "जीवनावश्‍यक सेवा माल वाहतूक, किराणा वाहतूक' असा बोर्ड लावण्यात आला होता. मात्र जीवनावश्‍यक सेवेऐवजी त्यातून जनावरांची बेकायदेशीररीत्या वाहतूक करण्यात आली. यामुळे खोटा परवाना लावून शासनची फसवणूक केल्याप्रकरणीही गुन्हा दाखल झाला. 

हेही वाचा > धक्कादायक!...अन् 'त्या' पोलिस उपनिरीक्षकाने स्वत:वरच झाडली गोळी...