नाशिक : लॉकडाऊन कालावधीत सर्व व्यवहार ठप्प असतांना, अद्यापही काही व्यवसाय बंद स्वरूपात आहेत. दळणवळण व्यवस्था अद्यापही प्रभावित झालेली असल्याने वाहतूकदारांवर उपासमारीची वेळ ओढावली आहे. या पार्श्‍वभुमिवर नाशिक जिल्हा प्रवासी वाहतूकदार संघटनेने येत्या गुरूवारी (ता.25) आंदोलन करण्याच्या पावित्रा घेतला आहे.

उत्पन्न एकाएकी थांबले.
मार्च अखेरीपासून प्रवासी वाहतूक पूर्णपणे ठप्प झाली होती. परीवहन महामंडळाच्या बसगाड्यांसह खासगी वाहतूकदारांच्या गाड्यादेखील उभ्याच होत्या. यामुळे चालक व या क्षेत्रावर रोजीरोटी अवलंबून असलेल्यांचे उत्पन्न एकाएकी थांबले. तर दुसरीकडे वाहन मालकांना गाडीच्या कर्जाचा हप्ता, विमा व अन्य खर्च सुरूच होते. सर्व व्यवहार सुरळीत होत असतांना दळणवळण व्यवस्था अद्यापही विस्थापित आहे. एकीकडे उत्पन्न काहीच नसतांना दुसरीकडे देखभालीवरील खर्च सुरूच असल्याने व्यावसायिकांचा मनस्ताप होतो आहे. त्यामूळे प्रवासी वाहतूकदारांच्या विविध प्रश्‍नांवर लक्ष वेधण्यासाठी नाशिक जिल्हा वाहतूकदार संघटनेने आंदोलनाचा पावित्रा घेतला आहे.

हेही वाचा > भरदुपारी सुरु झाल्या प्रसूती कळा...अनुभव नसतांनाही 'तिने' घेतली रिस्क...अन् मग
अशा आहेत मागण्या
लॉकडाउनमुळे प्रवासी वाहतूकदारावर उपासपासमारीची वेळ ओढावली आहे. या पार्श्‍वभुमिवर प्रवासी वाहतूकदारांचे एक वर्षाचा रस्ता कर (रोड टॅक्‍स) माफ करावा.सर्व वाहतूकदाराचा विमा कालावधी वाढवून मिळावा. पेट्रोल डिझेल वरील अधिभार रद्द करावा, अशा विविध मागण्यांसाठी आंदोलन केले जाणार आहे.

हेही वाचा > "पत्नी माझी पळून गेली..जगात तोंड दाखवायला जागा नाही..म्हणून आत्महत्या करतोय" फेसबूकवरील 'त्याची' धक्कादायक पोस्ट 
असे करणार आंदोलन
जिल्हा प्रवासी वाहतूकदार संघटनेतर्फे गुरूवारी (ता.25) आंदोलन केले जाणार आहे. याअंतर्गत प्रादेशिक परिवहन कार्यालयाच्या आवारात वाहने उभी केली जाणार आहेत. यामध्ये बस, मिनीबस, कार, टॅक्‍सी आदी वाहने उभी केली जाणार असल्याची माहिती संघटनेचे अध्यक्ष किशोर लोखंडे, उपाध्यक्ष योगेश दुसाने, सचिव अजय खर्रा, दिलीपसिंग बेनिवाल यांनी दिली आहे.