नाशिक : कोव्हीड रुग्णांवर उपचार करत असताना आता अधिक काळजीचा भाग म्हणून मधुमेह, ह्दयरोग, सर्दी व खोकल्याचे आजार असलेल्या रुग्णांवर तातडीने व जागेवर उपचार करण्यासाठी मंगळवार (ता.21) पासून शहरातील कन्टेनमेंट झोनमध्ये वीस मोबाईल डिस्पेंन्सरी सुरु केली जाणार असून त्यासाठी भारतीय जैन संघटनेची मदत घेतली जाणार असल्याची माहिती महापालिका आयुक्त राधाकृष्ण गमे यांनी फेसबुक लाईव्हच्या माध्यमातून दिली.
आयुक्त गमे यांचा नाशिककरांशी संवाद
कोरोनाच्या पार्श्वभूमीवर नागरिकांमध्ये निर्माण झालेले प्रश्न, शंकांचे निरसन करण्यासाठी आयुक्त गमे यांनी आज फेसबुक लाईव्हच्या माध्यमातून नाशिककरांशी संवाद साधला. ते म्हणाले, कोरोनाचे रुग्ण वाढत असले तरी त्या मागे तपासण्या वाढविण्यात आल्याचे हे महत्वाचे कारण आहे त्याचबरोबर लॉकडाऊनपुर्वी शहरात पन्नास देखील रुग्ण नव्हते परंतू त्यानंतर मात्र वेगाने कोरोना रुग्णांची संख्या वाढली. बाहेरून आलेल्या नागरिकांमुळे कोरोना वाढल्याचे स्पष्टीकरण त्यांनी देताना कन्टेनमेंट झोन मध्ये मंगळवार पासून भारतीय जैन संघटनेच्या मदतीने वीस फिरते दवाखाने (मोबाईल डिस्पेन्सरी) सुरु केली जाणार आहे. त्यात एक डॉक्टर, नर्स व अन्य वैद्यकीय स्टाफ असेल कन्टेनमेंट झोन मध्ये तपासण्या होतील. यात मधुमेह, रक्तदाब, ह्दयरोग, सर्दी व खोकला असे आजार असलेल्या रुग्णांवर उपचार होतील. मोबाईल डिस्पेन्सरीच्या माध्यमातून रॅपिड अॅण्टीजेन टेस्ट देखील केल्या जाणार असून अर्धा तासात रिपोर्ट येवून त्यानुसार उपचार सुरु होतील.
आयुक्त असे म्हणाले...
- तुर्त लॉकडाऊन नाही, परिस्थिती बघून निर्णय.
- २० ते ४० वयोगटातील तरुणांचा मृत्युदर चिंताजनक.
- २४ कन्टेनमेंट झोन वर विशेष लक्ष.
- अॉनलाईन बेड आरक्षित केले जाणार.
- बरे होवून घरी जाण्याचे प्रमाण ६५ टक्के.
- तपासणी संख्या वाढल्याने कोरोना रुग्णांची आकडेवारी वाढली.
- महापालिकेच्या रिअल टाईम डॅशबोर्डचा उपयोग करावा, त्यातून कोरोना संदर्भातील सर्व माहिती.
- रुग्ण शोधण्याच्या कामात सर्वेक्षण पथकाला सहकार्य करा.
हेही वाचा > थरारक! बायकोच्या चारित्र्यावर होता नवऱ्याला संशय...मध्यरात्रीच केला 'असा' अंगावर काटा आणणारा प्रकार
- औषधांचा काळाबाजार रोखणार, हेल्पलाईनवर कळवावे.
- घाबरू नका, ८५ टक्के रुग्ण बरे होतात.
- आता घरातचं कोरोंटाईन करणार.
- कोरोना सेंटरमुळे धोका नसल्याने विरोध करू नका.
- कारखान्यात कामगारांनी स्वतंत्र भोजन करावे.
- आयएमसीआरच्या माहिती नुसार जुलै अखेर ८००० रुग्ण होणार.
- शहरात येत्या काळात दररोज १००० तपासण्या करणार.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.