नाशिक : औरंगाबाद-अहवा महामार्गावरील द्याने फाट्यानजीक इंडिगो कारने एका दुचाकीला जोरदार धडक दिली. या भीषण अपघातात मोराणे सांडस (ता. बागलाण) येथील दुचाकीवरील दोघे मित्र ठार झाले. ही घटना बुधवारी (ता.12) दुपारी दीडच्या सुमारास घडली.
अशी घडली घटना....
द्याने फाट्यापासून एक किलोमीटरवर नामपूरकडे भरधाव जाणाऱ्या इंडिगो कार (एमएच 04, ईएफ 2827)ने आसखेड्याकडे जाणाऱ्या दुचाकी (एमएच 04, जेजे 7464)ला जोरदार धडक दिली. यात दुचाकीचा अक्षरशः चक्काचूर झाला. दुचाकीवरील गणेश मधुकर शेवाळे (वय 20) व गौरव भगवान कांदीलकर (21) दोघेही मित्र युवक गंभीर जखमी झाले. त्यांना 108 रुग्णवाहिकेतून नामपूर ग्रामीण रुग्णालयात नेण्यात आले. तेथे वैद्यकीय अधिकाऱ्यांनी गणेश शेवाळे यास मृत घोषित केले. गौरव कांदीलकर याला मालेगावला खासगी रुग्णालयात दाखल केले. मात्र, उपचारादरम्यान त्याचा मृत्यू झाल्याचे नातेवाइकांनी सांगितले.
कुटुंबीयांवर दुःखाचा डोंगर
कारचालक फरारी झाला असून, या प्रकरणी जायखेडा पोलिसांत गुन्हा दाखल झाला आहे. दरम्यान, मोराणेत दोन्ही तरुणांवर रात्री शोकाकुल वातावरणात अंत्यसंस्कार करण्यात आले. दोन्ही मित्रांचा अपघातात मृत्यू झाल्याने कुटुंबीयांवर दुःखाचा डोंगर कोसळला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.