नाशिक : आपल्या जुळ्या मुलांचा वाढदिवस पर्यटनस्थळी साजरा करण्यासाठी लोणावळ्यात गेलेल्या नाशिकच्या कुटुंबीयांवर मोठा दुःखाचा डोंगर कोसळला. या कुटुंबाचा दोन वर्षांचा चिमुकला हॉटेलमधील स्वीमिंग टँकमध्ये बुडून त्याचा दुर्दैवी मृत्यू (Death by Drowning) झाला. या प्रकरणी लोणावळा पोलिसात नोंद करण्यात आली आहे. (Unfortunate death of child after drowning in swimming tank at lonavala nashik Latest Marathi News)

शिवबा अखिल पवार (वय २, रा. बोधलेनगर, नाशिक) असे मयत चिमुकल्याचे नाव आहे. बुधवारी (ता. १३) पवार कुटुंबीय त्यांच्या जुळ्या मुलांचा वाढदिवस साजरा करण्यासाठी लोणावळा येथे गेले होते.

हॉटेलमध्ये पोचल्यानंतर पवार हे चेक इन करीत असतानाच त्यांचा २ वर्षांचा शिवबा हा नजरचुकीने हॉटेलच्या परिसरातील स्वीमिंग टँकच्या दिशेने गेला. टँकमधील खेळणी बघून तो पुढे जात असताना पाण्यात पडला.

या वेळी टँकजवळ कोणीही नसल्याने त्यास मदत मिळू शकली नाही. काही वेळात कुटुंबीयांकडून शिवबाचा शोध सुरू झाला असता, तो स्वीमिंग टँकमध्ये आढळून आला. त्यास बाहेर काढून पोटातून पाणी काढण्याचा प्रयत्न केला.

परंतु, प्रतिसाद न मिळाल्याने त्यास नजीकच्या रुग्णालयात नेले असता, वैद्यकीय अधिकाऱ्यांनी तपासून मृत घोषित केले. या प्रकरणी लोणावळा पोलिसात नोंद करण्यात आली आहे. या घटनेमुळे पवार कुटुंबीयांवर दुःखाचा डोंगर कोसळला आहे.