Nipun Utsav Karyakram : महाराष्ट्र प्राथमिक शिक्षण परिषद व महाराष्ट्र राज्य शैक्षणिक संशोधन व प्रशिक्षण परिषद पुणे यांच्या संयुक्त विद्यमाने ९ ते २१ ऑक्टोबर या दरम्यान जिल्ह्यात निपुण उत्सव कार्यक्रम राबविण्यात येणार असल्याची माहिती जिल्हा परिषदेचे प्राथमिक शिक्षणाधिकारी डॉ. नितीन बच्छाव यांनी दिली. (Verification of nipun utsav karyakram in school nashik news)

राज्यात निपुण उत्सव कार्यक्रम राबविण्यासाठी नाशिक जिल्ह्याची निवड झालेली आहे. निवड झाल्यानंतर प्राथमिक शिक्षण विभागाने प्रत्येक शाळेत निपुण उत्सव कार्यक्रम राबविण्याचे आदेश दिले होते. त्यानुसार शाळांमध्ये हा कार्यक्रम राबविला गेला.

राबविण्यात आलेल्या या कार्यक्रमांची आता पडताळणी केली जाणार आहे. यात जिल्ह्यातील स्थानिक स्वराज्य संस्थांच्या शाळांना दोन आठवड्यांच्या कालावधीत प्रत्येक क्षेत्रीय अधिकाऱ्याने किमान तीन शाळांना भेटी देऊन निपुण उत्सव कार्यक्रम संदर्भात बाब निहाय पडताळणी करतील.

साधारण जिल्ह्यातील सर्व गटशिक्षणाधिकारी, विस्तार अधिकारी (शिक्षण), केंद्रप्रमुख, सर्व शिक्षा अभियानाचे अधिकारी, डायचे अधिकारी, प्राथमिक, माध्यामिक शिक्षणतील अधिकारी, शिक्षण योजना विभागातील अधिकारी ही पडताळणी करतील. पडताळणी झाल्यानंतर त्यांचा सविस्तर अहवाल हा शिक्षण विभागास सादर करतील, असे डॉ. बच्छाव यांनी सांगितले.