Weather Forecast : राज्यात वातावरणातील बदलामुळे बुधवारी (ता.२६) आणि त्यानंतर गुरुवारी व शुक्रवारी बेमोसमी पावसाचा अंदाज वर्तविण्यात आला आहे.

हवामान विभागाच्या अंदाजानंतर आपत्ती व्यवस्थापन विभागाने खबरदारी घेण्याचे आवाहन केले आहे. (Weather Forecast Unseasonal rain for week nashik news)

हेही वाचा : संतुलित आहारातून रोखा फॅटी लिव्हरचा आजार

हवामान विभागाने शुक्रवार (ता.२८) पर्यत राज्यात हवामान बदलामुळे बेमोसमी पावसाचा अंदाज वर्तविला आहे. त्यात बुधवारी ऑरेंज ॲलर्ट जारी केला आहे. त्यामुळे नाशिक जिल्ह्यात ३४ ते ४० किलोमीटर वेगाने हवा वाहून विजेच्या कडकडाटासह मध्यम स्वरूपाच्या पावसाचा अंदाज वर्तविला आहे.

दरम्यान बेमोसमी पावसाच्या इशाराऱ्यानंतर आपत्ती व्यवस्थापन विभागाने वीज कोसळून होणाऱ्या मृत्यूचे प्रमाण टाळण्यासाठी झिरो डेथ मोहीम राबविण्याचा निर्णय घेतला आहे. त्यात, मृत्यूचा आकडा शून्य ठेवण्यासाठी या काळात जनावरे वाचविण्यासाठी काळजी घेण्याचे आवाहन केले आहे.