नाशिक : वाखारी (ता. देवळा) येथे गणपती विसर्जन करतांना सैन्य दलातील जवानाचा विहिरीत बुडून मृत्यू झाल्याची घटना घडली आहे. गणेश विसर्जनाच्या मुहूर्तावर घडलेल्या या घटनेने परिसरात हळहळ व्यक्त केली जात आहे.

अशी आहे घटना

प्रशांत वसंत गुंजाळ (वय. 27) हे सैन्य दलात अरुणाचल प्रदेश येथे कार्यरत होते. बुधवारी (ता. 26) तारखेला दोन महिन्यांची सुट्टी घेऊन गावी आले होते. मळ्यात राहत असल्याने विहिरीत गणेश विसर्जन करण्यासाठी गेले असता त्यांचा तोल गेल्याने विहिरीत पडले. खोल विहीर व पाणी जास्त असल्याने शोधकार्यास अडचणी आल्या. तब्बल तासाभराने त्यांचा मृतदेह विहीरीतून काढण्यात यश आले. घटनास्थळी गावकऱ्यांची मोठी गर्दी झाली होती. या घटनेने गावात हळहळ व्यक्त होत आहे.

हेही वाचा >  धक्कादायक! सासरच्यांनीच लेकीचा घातपात करुन विहिरीत फेकल्याचा पित्याचा आरोप; परिसरात खळबळ

हेही वाचा > गाई चारायला गेलेल्या प्रशांतच्या नशिबी असे दुर्दैव; घटनेनंतर गावात भयाण शांतता