देवळाली कॅम्प (जि. नाशिक) : येथे व परिसरात मेघगर्जना व विजेच्या लखलखाटासह (Lightning) वादळी मुसळधार पाऊस (Heavy Rain) झाला. संसरी येथे पावसात शेतातून घरी येत असताना घराच्या पटांगणात अंगावर वीज कोसळल्याने सविता बाळासाहेब गोडसे (वय ३९) यांचा जागीच मृत्यू (Death) झाला. ही घटना गुरुवारी (ता. ९) सायंकाळी सातच्या सुमारास घडली. पोलिसांनी पंचनामा करून आकस्मिक मृत्यूची नोंद केली. त्यांचा मृतदेह विच्छेदनासाठी जिल्हा रुग्णालयात हलविण्यात आला आहे. (Woman killed in lightning strike at Sansari Nashik News)

देवळाली कॅम्प, भगूर व परिसरात गुरुवारी सायंकाळी वादळी वाऱ्यासह मुसळधार पाऊस झाला. पावसात संसरी येथील सविता गोडसे आपल्या शेतातून भैरवनाथ मंदिर परिसरात असलेल्या आपल्या घराकडे येत असताना घरासमोरील पटांगणात अंगावर वीज कोसळल्याने त्यांचा जागीच मृत्यू झाला. घटनेची माहिती पोलिसांना मिळताच त्यांनी घटनास्थळी धाव घेत पंचनामा केला. त्यांच्यामागे पती व चार मुली आहेत.