नाशिक : ( अजमीर सौंदाणे ) येथील ग्रामपंचायतीला कुलूप लावण्यात येईल असा इशारा महिला वर्गाने दिला आहे. ही अवदसा गावात नकोच म्हणून महिलांनी आक्रमक धोरण स्वीकारले आहे. शेजारील गावातील लोकही वस्तीत येतात व धुडगूस घालतात. त्या संदर्भात पोलिसांकडून काहीही कार्यवाही होताना दिसत नाही. असा आरोप महिलावर्गाकडून केला जात आहे.

पोलिसांकडून काहीही कार्यवाही नाही

सध्या लॉकडाउनच्या काळातही गावात दारूविक्री राजरोसपणे सुरू आहे. गावातील लोकांबरोबर शेजारील गावातील लोकही दारू पिण्यासाठी वस्तीत येतात व धुडगूस घालतात. त्या संदर्भात पोलिसांकडून काहीही कार्यवाही होताना दिसत नाही. ग्रामपंचायतीने दारूबंदीचा केलेला ठराव हा फक्त कागदोपत्री आहे. त्यामुळे संपूर्ण गावात दारूबंदीसाठी महिलांनी आक्रमक धोरण स्वीकारले आहे. त्या संदर्भात इशारा निवेदनाद्वारे ग्रामपंचायतीला महिलांकडून देण्यात आला. त्यामुळे गावात त्वरित गावठी दारू विक्री बंद करावी नाहीतर ग्रामपंचायतीला कुलूप लावण्यात येईल, असा इशारा महिलांनी दिला आहे. अजमीर सौंदाणे गावातील आदिवासी वस्तीतील बहुसंख्य कुटुंबे गावठी दारू तयार करण्याचा व्यवसाय करतात. त्यामुळे गावात दारू मुबलकपणे उपलब्ध होते. त्यातून अनेक तरुणांचे संसार दारूमुळे उद्‌ध्वस्त होत असल्याचा गावातील महिलांचा आरोप आहे.

हेही वाचा > रेल्वेसेवा 'या' तारखेपर्यंत पूर्णपणे बंदच ठेवण्याचा निर्णय!

दारूबंदीसंदर्भातील ठरावाचे निवेदन पोलिस विभाग, तहसीलदार, प्रांताधिकारी यांना देण्यात आले. त्यावर लवकरच निर्णय करण्यात येईल. - धनंजय पवार, सरपंच 

हेही वाचा > पायी निघालेल्यांना 'नाशिक'चा मदतीचा हात...'ते' म्हणाले बस नव्हे ही तर लॉटरीच!

गावात दारूमुळे अनेक संसार उद्‌ध्वस्त झाले. अनेक महिलांना रोजच भांडणाला सामोरे जावे लागते. म्हणून गावात दारूबंदी आवश्‍यक आहे. - रेखा मांडवडे, ग्रामस्थ 

हेही वाचा > मालेगावच्या नरकयातनांचे भाकीत आठ वर्षांपूर्वीचे?...कोरोनाने झटकली अहवालावरची धूळ!