खामखेडा (जि. नाशिक) : जागतिक महिला दिनाचे (womens day 2023) औचित्य साधत महिला कर्मचाऱ्यांच्या कामाला प्रोत्साहन मिळावे, या हेतूने देवळा पोलिस ठाण्याची एका दिवसाची जबाबदारी महिला पोलिस नाईक ज्योती गोसावी यांच्याकडे सोपविण्यात आली होती. (womens day 2023 lady police naik become officer in charge nashik news)

त्यांनी सकाळपासून पोलिस ठाण्याचा कारभार उत्साहाने सांभाळला. देवळा पोलिस ठाण्याचे सहाय्यक पोलिस निरीक्षक पुरुषोत्तम शिरसाठ यांनी प्रभारी अधिकारी पदाची जबाबदारी पोलिस नाईक ज्योती गोसावी यांच्याकडे सोपवित महिला दिनी आगळा-वेगळा सन्मान केला. सहाय्यक पोलिस निरीक्षक पुरुषोत्तम शिरसाठ यांनी गुलाब पुष्प देऊन महिला पोलिस कर्मचाऱ्यांना महिला दिनाच्या शुभेच्छा दिल्या.

हेही वाचा : नेट बँकिंग खात्यात ठेवा कमी रक्कम...जाणून घ्या कारण

पोलिस ठाण्याचा एक दिवसीय कामकाज सोपवून कामाचा उत्साह वाढविण्याचा प्रयत्न पोलिस प्रशासनाने केला आहे. पोलिस दलात भरती होऊन आम्हाला महिलांचे प्रश्‍न सोडविण्याची संधी मिळाली आहे. महिला दिनी पोलिस ठाण्याचा कारभार सांभाळून आनंद वाटला. महिला पोलिसांना रोजच सन्मान मिळतो, पण आजच्या दिवशी अधिकच छान वाटत असल्याचे ज्योती गोसावी यांनी सांगितले.