नाशिक : आठवडाभरापूर्वी एकही कोरोना पॉझिटिव्ह व्यक्ती नसणाऱ्या नाशिक जिल्ह्यात आता संख्या १५ वर पोहचली असून इथेही धाकधूक वाढली आहे. यात ९ पॉझिटिव्ह व्यक्ती मालेगावमधल्या आहेत आणि एका व्यक्तीचा मृत्यूही झाला आहे. आणि याच भीतीने नाशिकमध्ये एका ३१ वर्षीय तरुणाने आत्महत्या केल्याची धक्कादायक घटना घडली आहे. या घटनेने सर्वत्र भीतीचे वातावरण निर्माण झाले आहे.

कोरोनाची भिती...लिहली सुसाईड नोट

प्रतीक कुमावत असे आत्महत्या करणाऱ्या तरुणाचे नाव असून ३१ वर्षांचा होता. नाशिकरोड येथील चेहडी पंम्पिंग स्टेशन जवळील भागातील ही घटना असून, आत्महत्या केलेल्या तरुणाने  सुसाईड नोट लिहून ठेवली होती. त्याय मध्ये कोरोना झाल्याची भीती व्यक्त करत आत्महत्या करत असल्याचा उल्लेख आढळला आहे. नाशिकरोड पोलीसांकडून याबाबत अधिक तपास सुरू आहे. नाशिक जिल्ह्यात आता संख्या १५ वर पोहचली असून मालेगावात दोन दिवसात रुग्णांची संख्या वाढल्यानं आता मालेगाव कोरोनाचा हॉटस्पॉट ठरलं आहे. सलग दोन दिवशी इथे ९ कोरोना पॉझिटिव्ह लोक सापडल्याने सध्या खळबळ निर्माण झाली आहे.

हेही वाचा > PHOTOS : नमस्कार, मी सुप्रिया सुळे बोलते ! तुम्ही खूप चांगलं काम केलं.. तुमचं कौतुक अन् आभारही!"

हेही वाचा > #Lockdown : 'लॉकडाउन'च्या अंधारावर उमटली चार चिमुकली पावले...'ते' देवदूतासारखे धावले मदतीला!