नाशिक : शहरामध्ये मागील आठवडाभरापासून खूनाचे सत्र सुरूच आहे. प्रेम संबंधावरून झालेल्या वादावरून एका तरुणावर धारदार शस्त्राने वार करण्यात आला घाव वर्मी लागल्याने रुग्णालयात दाखल करेपर्यंत त्याचा मृत्यू झाला. या खून प्रकरणी पोलिसांनी तिघा संशयितांना अटक केली.

प्रेम संबंधावरून झालेल्या वादात उडी घेतल्यामुळे वडाळा रोडवरील शिवाजी वाडी झोपडपट्टी परिसरात मध्यरात्रीच्या सुमारास झालेल्या हाणामारीत एका तरुणावर धारदार शस्त्राने वार करण्यात आला. घाव वर्मी लागल्याने रुग्णालयात दाखल करेपर्यंत त्याचा मृत्यू झाला. सागर प्रकाश रावतर (२०) असे मृत्युमुखी पडलेल्या युवकाचे नाव आहे. या खून प्रकरणी पोलिसांनी तिघा संशयितांना अटक केली असून हे तिघेही सख्ख्ये-चुलत भावंड आहेत.