नाशिक / म्हसरूळ : मोठा भाऊ काहीही कामधंदा करीत नाही. नेहमीच दारू पिऊन घरात वाद घालतो. त्याच्या या वागण्याने काही दिवसांपूर्वी त्याची पत्नी घर सोडून निघून गेेली. तो कुटूंबातील सर्वानां त्रास देत असल्याने संतापलेल्या धाकट्या भावानेच कंटाळून धक्कादायक प्रकार केला.
आठ महिन्यांपूर्वी त्याची पत्नी माहेरी निघून गेली
याबाबत अधिक माहिती अशी की, संतोष आणि सुनील दोघे संख्येभाऊ आपल्या कुटूंबासह मखमालाबाद रोडवरील रो-हाऊसमध्ये राहत आहे. संतोष थोरे याला दारूचे व्यसन असल्याने घरातील सदस्यांना कायमच त्रास देत असे. या त्रासाला कंटाळून आठ महिन्यांपूर्वी त्याची पत्नी माहेरी निघून गेली आहे. सोमवारी संतोष याने सासुरवाडीला जाऊन वाद घातला होता. त्यानंतर आज (ता.२३) सकाळी ८.३० वाजेच्या सुमारास तो दारू पिऊन त्याचा भाऊ सुनील हा काम करीत असलेल्या शरदचंद्र पवार मार्केट मध्ये गेला. त्याठिकाणी पुन्हा वाद झाल्याने सुनील याने त्याला गाडीवर बसवून घरी घेऊन जात असताना पेठरोड वरील नामको हॉस्पिटल रस्त्यावर मला दारू पिण्यास जायचे असल्याचे सांगत पुन्हा वाद घातला. यावेळी संतापलेल्या सुनील याने गाडी थांबवून रस्त्यावर असलेला दगड उचलून धाकटा भाऊ संतोष याच्या डोक्यावर मारला. त्यात त्याचा मृत्यू झाला.
पंचवटी पोलीस ठाण्यात गुन्हा दाखल
दरम्यान, घटनेची माहिती मिळताच पोलीस दाखल झाले. वरिष्ठ पोलीस निरीक्षक अशोक भगत यांच्या मार्गदर्शनाखाली पंचवटी गुन्हे शोध पथकाचे सहायक पोलीस निरीक्षक सत्यम पवार, सहायक पोलीस उपनिरीक्षक संजय वानखेडे, पोलीस हवालदार सुरेश नरोडे,महेश साळुंखे, प्राज्योक्त जगताप,नितीन जगताप, जितेश जाधव, विष्णु जाधव, संतोष काकड, संदीप शेळके त्यानी तपासाची चक्रे वेगाने फिरवीत यातील मुख्य संशयीत सुनील थोरे याला घरातून ताब्यात घेतले. या प्रकरणी पंचवटी पोलीस ठाण्यात गुन्हा दाखल करण्यात आला आहे.
घटनेने सर्वत्र आश्चर्य
मोठा भाऊ काहीही कामधंदा करीत नाही. नेहमीच दारू पिऊन घरात वाद घालतो. त्याच्या या वागण्याने काही दिवसांपूर्वी त्याची पत्नी घर सोडून निघून गेेली. तो कुटूंबातील सर्वानां त्रास देत असल्याने संतापलेल्या धाकट्या भावानेच त्याच्या डोक्यात दगड घालून हत्या केल्याची घटना घडली. या घटनेत संतोष सखाराम थोरे ( वय. ३९, रा. पूजा विहार रो. हाऊस, मखमलाबाद रोड) याचा जागीच मृत्यू झाला आहे. या खुना प्रकरणी त्याचा भाऊ सुनील सखाराम थोरे (वय ३७) याला पोलिसांनी ताब्यात घेतले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.