सोग्रस(जि.नाशिक) : अतिशय समजदार, हुशार आणि नम्र स्वभावाच्या नितीनच्या अचानक एक्झिटने गावावर शोककळा पसरली. या घटनेसंदर्भात वडाळीभोई पोलिसांत नोंद झाली. पण नितीनने असे का केले असावे असा प्रश्न गावकऱ्यांना व नातेवाईकांना पडला आहे,

काय घडले नेमके?

कुंडाणे (ता. चांदवड) येथे शुक्रवारी (ता.२५) सकाळी सहाच्या सुमारास येथीलच नितीन सोमनाथ जाधव (वय २८) या युवकाने कुंडाणे शिवारातील अशोक जाधव यांचे शेत गट नंबर १६३ के बांधावरील बाभळीच्या झाडाला गळफास घेऊन आत्महत्या केली. ही घटना ग्रामस्थ व त्यांचे काही नातलग यांच्या लक्षात येताच त्यांनी त्वरित वडाळीभोई पोलिस ठाणे आणि स्थानिक पोलिस पाटील सूर्यवंशी यांना कळवली. नंतर ग्रामस्थांनी मृतदेह झाडावरून खाली काढून वडाळी येथील शासकीय रुग्णालयात दाखल केला. वैद्यकिय अधिकाऱ्यांनी तपासून मृत म्हणून घोषित केले. दुपारी एकच्या दरम्यान येथील स्मशानभूमीत नितीन जाधव यांच्यावर अंत्यसंस्कार करण्यात आले.

हेही वाचा - वडिलांसोबतची लेकीची 'ती' ड्राईव्ह शेवटचीच; पित्याचा ह्रदय पिळवटून टाकणारा आक्रोश

आकस्मिक मृत्यूमुळे गावावर शोककळा

मृत नितीनच्या मागे भाऊ आणि वयोवृद्ध आई असा परिवार आहे. अतिशय समजदार, हुशार आणि नम्र स्वभावाच्या नितीनच्या आकस्मिक मृत्यूमुळे गावावर शोककळा पसरली. या घटनेसंदर्भात वडाळीभोई पोलिसांत नोंद झाली.  

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप