नाशिक रोड - विद्यार्थिनीचा विश्‍वास संपादन करून तिचे मोबाईलवर अश्‍लील फोटो काढून ते व्हायरल करण्याची धमकी देऊन शिक्षकाने अल्पवयीन विद्यार्थिनीवर वेळोवेळी अत्याचार केला.

एकलहरे मार्गावरील बारावीत शिकणाऱ्या पीडित विद्यार्थिनीने दिलेल्या तक्रारीत म्हटले आहे, की सप्टेंबर २०१६ मध्ये खासगी क्‍लासमध्ये इंग्रजी शिकण्यासाठी ती जात होती. शिक्षक अनिल अवचरे याचे पीडित युवतीच्या वडिलांशी घरोब्याचे संबंध असल्याने त्याचे कायम घरी येणेजाणे होते. एकदा घरी कोणी नसताना अवचरे आला व घराचे दार बंद करीत युवतीवर अत्याचार केला. मोबाईलमधील फोटो व्हायरल करण्याची धमकी देत अनेकदा अत्याचार केला. त्याचे लग्न झाल्यानंतरही त्याने अनेकदा असाच प्रकार केला. पीडित मुलीने याबाबत घरच्यांना सांगितले. त्यांनी तत्काळ पोलिस ठाणे गाठून तक्रार दिली. पोलिसांनी संशयित अवचरे याच्याविरोधात पॉस्कोअंतर्गत गुन्हा दाखल केला.