नाशिक - पश्‍चिम पट्ट्यात पावसाची मुसळधार सुरू असली तरी जिल्ह्यातील सहा तालुक्‍यांत अजून ३० टक्केही पाऊस झालेला नाही. एका बाजूला मुसळधारेने पश्‍चिम तालुक्‍यात दरड कोसळत असताना इतरत्र मात्र खरिपाला अजूनही पावसाची प्रतीक्षा आहे. या परस्पर विसंगत स्थितीचे दर्शन घडते आहे.
जिल्ह्यात पावसाच्या पश्‍चिम पट्ट्यातील तालुक्‍यात संततधार सुरू आहे. चार तासांत तब्बल २१२ मिलिमीटर पाऊस झाल्याने इगतपुरी व सीमावर्ती भागात अनेक दरडी कोसळल्या. प्रमुख रस्ते, दोन बंधारे वाहून जाण्यासोबत रेल्वे वाहतूक ठप्प होण्यापर्यंत घटना सुरू असतानाच दुसरीकडे मात्र दुष्काळी तालुके म्हटल्या जाणाऱ्या तालुक्‍यात मात्र ३० टक्केही पाऊस झालेला नाही. कळवण- सात, देवळा- नऊ, नांदगाव- ११, चांदवड- १३, बागलाण- २४, मालेगाव- २७ टक्केच पाऊस झाला आहे. जिल्ह्यात ३३ टक्के पाऊस झाला आहे. मात्र त्यात पाच तालुक्‍यांत २५ टक्केही पाऊस झालेला नाही.
पश्‍चिम भाग केंद्रबिंदू
जिल्ह्यातील धरण पाणीसाठ्यात सरासरी २० टक्के लाभ झाला आहे. मात्र त्यात गंगापूर व दारणा समुहांना लाभ झाला आहे. इतर पालखेड व चणकापूर हे दोन धरण समूह मात्र कोरडेच आहेत. ३८ टक्के पेरण्या झाल्या आहेत. खरिपाची जास्त लागवड होणाऱ्या तालुक्‍यांना अजूनही पावसाची प्रतीक्षा कायमच आहे. खरिपांच्या पेरण्यासाठी अनेक तालुक्‍यांत अजूनही दमदार पावसाची प्रतीक्षा कायम आहे. त्यामुळे या तालुक्यातील पेरण्या अद्यापही खोळंबल्या आहेत. चांदवड, मालेगाव, बागलाण या टापूत अद्यापही वरुणराज समाधानकारक बरसलेला नाही.
दोन समूहांमध्ये २० टक्के पाणी, दोन समूह कोरडेच
पश्‍चिमेला ३३ टक्के पाऊस, इतरत्र ३० टक्केही नाही
खरीप पेरण्याच्या तालुक्‍यांना दमदार पावसाची प्रतीक्षा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.