disabled rape.jpg
disabled rape.jpg 
उत्तर महाराष्ट्र

काम देतो असे सांगत दिव्यांगाला नेले लॉजवर..अन्..

सकाळ वृत्तसेवा

नाशिक : शहरात कामाच्या शोधात आलेल्या सिडकोतील दिव्यांग युवकास भद्रकालीतील लॉजवर नेऊन दोन संशयितांनी अनैसर्गिक अत्याचार केले. पीडित युवक कसाबसा घरी परतल्यानंतर ही बाब लक्षात आल्यानंतर त्यास जिल्हा रुग्णालयात उपचारासाठी दाखल करण्यात आले. पोलिसांनी अद्याप संशयितांना अटक केलेली नसून, ज्या लॉजवर हे कृत्य करण्यात आले, त्या लॉजचीही चौकशी करण्यात आलेली नाही. 

भद्रकालीतील प्रकार; दोन संशयित फरारी 
24 वर्षीय पीडित युवक दिव्यांग असून, सोमवारी (ता. 25) सायंकाळी कामाच्या शोधात शहरात आला होता. पिनॅकल मॉल येथे तो थांबलेला असताना एका युवकाकडे त्याने कामाची विचारणा केली होती. त्यानंतर तो सीबीएसच्या दिशेने चालत जाताना पेट्रोलपंपासमोर एक संशयित युवक त्यास भेटला. त्याने पीडित युवकाला काम देतो, असे इशाऱ्याने सांगून सीबीएस बसस्थानकातील शौचालयाजवळ नेले. त्याठिकाणी ऍक्‍टिवावर असलेल्या संशयिताने त्यास बरोबर घेऊन तिघे जण भद्रकालीतील तलावाडीत नेले. जुने टॅक्‍सी स्टॅण्डजवळ असलेल्या अल्बाशी लॉजवर दोन संशयितांनी पीडित युवकाला नेले. त्यानंतर त्यांनी त्यास एका रूममध्ये नेले आणि दोघांनी दिव्यांग युवकावर अतिप्रसंग करीत अनैसर्गिक कृत्य केले. त्यानंतर त्यास संशयितांनी सीबीएस परिसरात सोडून पोबारा केला. 

होत असलेल्या त्रासाबद्दल भावाने केली विचारणा

रात्री साडेदहाच्या सुमारास पीडित दिव्यांग युवक कसाबसा सिडकोतील घरी पोचला. त्याला होत असलेल्या त्रासाबद्दल त्याच्या भावाने त्याच्याकडे विचारणा केली असता, त्याने घडलेला प्रसंग इशाऱ्याने सांगितले. पीडितास मोठ्या प्रमाणात रक्तस्त्राव होत असल्याने त्यास भावाने उपचारासाठी मध्यरात्री जिल्हा सरकारी रुग्णालयात दाखल केले. त्यानुसार याप्रकरणी जिल्हा पोलिस चौकीत नोंद करण्यात आल्यानंतर त्याची माहिती मुंबई नाका पोलिसांना कळविण्यात आली. घटना भद्रकालीच्या हद्दीत घडलेली असल्याने मंगळवारी (ता. 26) याप्रकरणी गुन्हा दाखल करण्यात आला. 

तलावाडी गुन्हेगारांचा अड्‌डा
गेल्या रविवारी तलावाडीतील पोलिस चौकीपासून काही अंतरावरील मटका जुगारअड्ड्यावर पोलिसांनी छापा टाकून कारवाई केली होती. ज्या लॉजवर ही घटना घडली आहे त्याठिकाणी अनेक अवैध धंदे चालतात, अशी चर्चा आहे. परंतु पोलिसांकडून याकडे सोयीस्कररित्या दुर्लक्ष केले जाते. दरम्यान, या घटनेत अद्यापही पोलिसांच्या हाती संशयित लागलेले नाहीत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sharad Pawar: "अरे मामा जरा जपून... तुझं सर्व काढायला वेळ लागणार नाही"; इंदापुरात शरद पवारांचा इशारा!

Shreyas Talpade: कोरोना लसीमुळे हृदयविकाराचा झटका आला? श्रेयस तळपदे म्हणाला,'लस घेतल्यानंतर मला...'

IPL 2024 PBKS vs CSK Live Score : चाहरनं सीएसकेला पाडलं खिंडार, ऋतुराज पाठोपाठ दुबेलाही केलं बाद

Lok Sabha : 'एक भाकरी, एक रूपया द्या.. एका भिक्षुकाला पंतप्रधान करा' म्हणणाऱ्या विजयप्रकाश कोंडेकरांकडे किती आहे संपत्ती?

Latest Marathi News Live Update : राहुल गांधी यांनी वायनाडच्या लोकांशी केलेली फसवणूक - गौरव वल्लभ

SCROLL FOR NEXT