नाशिक, ता. 14- गेल्या काही दिवसात शहरात मोठ्या प्रमाणात विकास कामांचा धडाका लावला जात असून त्यात विद्यमान आमदारांसोबतचं विधानसभेसाठी इच्छुक असलेल्या नगरसेवकांच्या प्रभागांमध्ये मोठ्या प्रमाणात विकासकामे होत असल्याचे दाखविले जात आहे परंतू ज्या विकासकामांचे उदघाटन केले जात आहे त्या कामाचे कार्यारंभ आदेश मिळाले नसतानाही उदघाटन करण्यात आल्याने निवडणुकीत ती कामे वादात सापडण्याची शक्‍यता निर्माण झाली आहे. या विषयावर कॉंग्रेसने आक्षेप घेतला असून चमकोगिरीत चुकीची प्रथा पाडली जात असल्याचा आरोप कॉंग्रेस गटनेते शाहू खैरे यांनी केला आहे. 
लोकसभा निवडणुकीपुर्वी विकास कामांचा नारळ फुटला ती कामे थांबविण्याचे आदेश निवडणुक आयोगाने दिले होते. विधानसभा निवडणुकीतही तसा आदेश निघण्याच्या भिती मुळे आचारसंहिता लागण्यापुर्वीचं मोठ्या प्रमाणात विकास कामांचे उदघाटन केले जात आहे. परंतू विकास कामांचा नारळ फोडताना त्या कामांचे ठेकेदारांना कार्यारंभ आदेश न मिळाल्याने कामे वादात सापडण्याची शक्‍यता निर्माण झाली आहे. गेल्या आठवड्यात सिडकोतील मध्यवर्ती उद्यानाचे उदघाटन करण्यात आले. त्यापुर्वी प्रभाग क्रमांक 25 मध्येही खासदार संजय राऊत यांच्या हस्ते विकासकामांचे उदघाटन कण्यात आले. राजवाडा येथील डॉ.बाबासाहेब आंबेडकर सभागृह, पंचवटीत गोरक्षनगर उद्यानाचे नुतनीकरण, आदी कामांचे भुमिपूजन करण्यात आले. सदरची कामे मंजूर झाल्यानंतर महापालिकेच्या बांधकाम विभागाकडून ना हरकत दाखला घ्यावा लागतो. परंतू तो न घेताचं कामांचे उदघाटन करण्यात आले. आमदारांकडून विविध विकासकामांचे उदघाटन करताना महापालिकेच्या निधीतून झालेल्या कामांचेही श्रेय घेतले जात असल्याने भाजप मधील नगरसेवक अस्वस्थ झाले आहेत. 
प्रशासन कोंडीत 
कार्यारंभ आदेश व बांधकाम विभागाचा ना हरकत दाखला मिळाला नसतानाही उदघाटनाचा सपाटा लावण्यात आल्याने प्रशासन देखील अस्वस्थ झाले असून भुमिपूजनाला उपस्थित नसल्याचा खुलासा करण्यात आला आहे. उदघाटन झालेल्या कामांवर आक्षेप घेण्याची तयारी कॉंग्रेसने सुरु केली असून