चिमठाणे : शिंदखेडा शहरातील रज्जाकनगर येथे शुक्रवारी (ता. १२) सायंकाळी सातच्या सुमारास सहाय्यक पोलिस निरीक्षक प्रशांत गोरावडे यांनी भंगार गोडाऊन छापा टाकला असता गॅस सिलिडर सात, मोटार सायकल डिस्क, मोठ्या बॅटऱ्या, छोट्या बॅटऱ्या व इलेक्ट्रिक मोटारी जप्त करण्यात आल्या. (Spare parts of motorcycle including gas cylinder seized at Shindkheda dhule news)

या कारवाईमुळे भंगार विक्रेत्यांमध्ये घबराटीचे वातावरण निर्माण झाले आहे. शिंदखेडा येथील मोहम्मद जोहर नवाब तेली (वय २९) शुक्रवारी (ता. १२) सायंकाळी सातच्या सुमारास शिंदखेडा शहरातील रज्जाकनगर भागातील घर क्रमांक चार येथे गॅस सिलिंडर सात.

मोटारसायकल डिस्क दोन, मोठ्या बॅटऱ्या दोन, छोट्या बॅटऱ्या व ऑक्सिजन सिलिंडर जप्त केले.

शिंदखेडा पोलिस ठाण्याचे सहाय्यक निरीक्षक प्रशांत गोरावडे यांना बातमी मिळाल्यावरून छापा टाकून संबंधित भंगार गोडाऊन पोलिसांनी सील केले.

याबाबत शिंदखेडा पोलिस ठाण्यात हवालदार अनंत भानुदास पवार यांनी फिर्याद दिल्यावरून मोहम्मद जोहर नवाब तेली यांच्याविरोधात गुन्हा दाखल करण्यात आला असून, हवालदार एकलाख पठाण तपास करीत आहेत.