Dhule News : नगावजवळ मुंबई-आग्रा महामार्गालगत तापी जलवाहिनीला चार वेगवेगळ्या ठिकाणी गळती लागली आहे. गळतीतून लाखो लिटर पाण्याची नासाडी होत आहे.

चारही ठिकाणी तत्काळ दुरुस्तीची मागणी शहरवासीयांकडून होत आहे. नगाव उड्डाणपुलाजवळील सर्व्हिस रस्त्यावरून मोठ्या प्रमाणात पाणी वाहत आहे. (Water wastage due to tapi water pipe leakage dhule news )

हेही वाचा : Credit Card फसवणूक....काय घ्याल काळजी?

नगाव शिवारातील मुंबई-आग्रा महामार्गालगत फटाक्याच्या कारखान्याजवळ, उड्डाणपुलाजवळ, पेट्रोलपंप आणि धमाणे फाट्याजवळ अशा चार ठिकाणी गळती सुरू आहे.

या गळतीतून लाखो लिटर पाण्याची नासाडी होत आहे. नगाव-गोंदूर रस्त्याजवळ तर मोठी गळती आहे. तिथे दुरुस्तीसाठी मोठा खड्डा खोदला आहे.

तिथून पाण्याचा मोठा स्रोत वाहत आहे. सर्व्हिस रस्त्यावरून पाण्याचा लोंढा वाहत आहे. रस्त्याचीही दुरवस्था होत आहे. ही गळती तत्काळ थांबविण्याची अपेक्षा व्यक्त होत आहे.