नागपूर - शीतपेय ठेवण्यासाठी टिनाच्या शेडचे बांधकाम न करता 14 लाख 56 हजार 577 रुपयांनी फसवणूक करणाऱ्या दोन कंत्राटदाराविरुद्ध एमआयडीसी पोलिसांनी गुन्हा दाखल करण्यात आला आहे. अनिल पंचोली व कैलास महाराज धांडू अशी दोन आरोपींची नावे आहेत. 

पोलिसांनी दिलेल्या माहितीनुसार, फिर्यादी राजू वामनराव डुमरे (49, रा. रचना साहील अपार्टमेट, सुभाषनगर चौक) यांचे एमआयडीसी हद्यीत, ए 1, सेंटर एमआयडीसी रोड, येथे सुपेरियल डिंक्‍स प्रा. लि. नावाची कंपनी आहे. त्यांना मालाची साठवणूक करण्यासाठी, प्लांटची क्षमता वाढविण्यासाठी टिनाच्या शेडची आवश्‍यकता होती. त्यासाठी त्यांनी आरोपी अनिल पंचोली (रा. रायपुर छत्तीगड), कैलास महाराज धांडू (रा. विशाखापट्टणम, आंध्र प्रदेश) यांना अटी व शर्तीसह टिन शेड बांधकामाचा करार केला. आरोपींनी फिर्यादीला विश्वासात घेऊन वेळोवेळी 14 लाख 56 हजार 577 रुपये धनादेश व्दारे घेऊन कोणत्याहीप्रकारचे काम न करता फसवणूक केली. हा संपूर्ण प्रकार 12 जून 2018 ते 12 मार्च 2019 च्या दरम्यान घडला. या प्रकरणी फिर्यादीने दिलेल्या तक्रारीवरून एमआयडीसी पोलिसंनी आरोपीविरुद्ध गुन्हा नोंदवून तपास सुरू केला आहे.