वाशीम : ग्रामीण पोलिस ठाण्याच्या हद्दीतील माऊंट कारमेल मधील वनमाला भीमराव कांबळे (वय 45, रा. काकडदाती) या स्वयंपाकी महिलेचा ता. 13 डिसेंबर 2017 ला मानेवर कुऱ्हाडीने वार करून खून झाला होता. या प्रकरणी अतिरिक्त जिल्हा व सत्र न्यायालयाने (ता.20) अण्णाजी तुकाराम सरदार यास आजन्म कारावासाची शिक्षा सुनावली आहे.
याबाबत न्यायालयीन सूत्रांकडून मिळालेली माहिती अशी की, तालुक्यातील सुरकंडी येथील माऊंट कारमेल स्कूलचे तत्कालिन प्राचार्य संजय वानखेडे यांनी तक्रार दिली की, वनमाला कांबळे ही महिला स्वयंपाकी म्हणून तर अण्णाजी सरदार हा चौकीदार म्हणून काम करीत होता. दरम्यान, अण्णाजी व त्याचा मुलगा प्राचार्यांच्या घरातून अन्नधान्य चोरी करीत असल्याची बाब वनमाला हिने फिर्यादीला सांगितली.
या रागातून अण्णाजी याने घटनेच्या दिवशी सकाळी वनमाला हिच्यावर कुऱ्हाडीने वार करून तिचा खून केला. अशा माहितीवरून पोलिसांनी गुन्हा दाखल करत, तपासाअंती प्रकरण न्यायप्रविष्ठ केले. या प्रकरणी झालेल्या सुनावनीत न्यायालयाने सात साक्षीदार तपासले. यानंतर दोषी आढळून आलेल्या अण्णाजी सरदार याला आजन्म कारावास व दहा हजार रुपये दंड.
तसेच दंड न भरल्यास एक वर्ष सश्रम कारावासाची शिक्षा सुनावण्यात आली आहे. या घटनेत तपास अधिकारी म्हणून पीएसआय अशोक जायभाये यांनी काम पाहिले. सरकार पक्षातर्फे सहाय्यक सरकारी अभियोक्ता अभिजीत व्यवहारे यांनी काम पाहिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.