यवतमाळ : जिल्हा परिषदेतील अर्थ समितीच्या ऑनलाइन आयोजित करण्यात आलेल्या सभेला गैरहजर राहणाऱ्या तीन अधिकाऱ्यांना कारणे दाखवा नोटीस बजावण्यात आली आहे. नोटीस मिळाल्यापासून तीन दिवसांत उत्तर सादर करण्याचे आदेशदेखील मुख्य लेखा व वित्त अधिकारी यांनी संबंधित अधिकाऱ्यांना देण्यात आले आहेत.

हेही वाचा -  पार्किंग प्लाझाच्या उद्घाटनाचा मुहूर्त निघेना, कोट्यवधी खर्च करूनही वाहने रस्त्यावरच

जिल्हा परिषदेतील अर्थ समितीची सभा सभापती राम देवसरकर यांच्या अध्यक्षतेखाली नुकतीच झाली. कोरोना विषाणूच्या संसर्गामुळे ही सभा ऑनलाइन घेण्यात आली. या सभेला सर्व अधिकाऱ्यांनी उपस्थित राहणे बंधनकारक करण्यात आले होते. त्यानंतरही जिल्हा आरोग्य अधिकारी, कृषी विकास अधिकारी, महिला व बालकल्याण विभागाचे अधिकारी या तीनही अधिकाऱ्यांनी या सभेला दांडी मारली.

हेही वाचा - आठ लोकांचा जीव घेणाऱ्या वाघाला गोळ्या झाडा - खासदार धानोरकर

अधिकारी उपस्थित नसल्याने 2020-2021 या आर्थिक वर्षाच्या जिल्हा परिषद सेसचे ऑगस्टपर्यंत झालेल्या खर्चाची माहिती समितीला घेता आली नाही. शिवाय संबंधित अधिकारीच सभेला उपस्थित राहिले नसल्याने सभापती यांनीदेखील नाराजी व्यक्त केली. म्हणून सभेला गैरहजर राहणाऱ्या वरील तीनही अधिकाऱ्यांना मुख्य लेखा व वित्त अधिकारी यांनी कारणे दाखवा नोटीस बजावली आहे. अनुपस्थित असल्याबाबत तीन दिवसांत उत्तर सादर करण्याच्या सूचनादेखील या कारणे दाखवा नोटिसमध्ये दिलेल्या आहेत.