कारंजा (जि.वाशीम) : कोरोना संसर्गाचा प्रादुर्भाव रोखण्यासाठी तहसीलदार यांच्या आदेशाने सावरकर चौक कारंजा येथील चौकशी नाका उभारण्यात आला. या ठिकाणी कार्यरत जिल्हा परिषद शाळेचा शिक्षक व नगर परिषद कर्मचार्‍याकडे सोमवारी (ता.4) दारूच्या बाटल्या आढळून आल्या होत्या.

या प्रकरणी कारंजा शहर पोलिसांनी शिक्षकासह व एका कर्मचार्‍याविरूद्ध गुन्हा दाखल केला होता. याप्रकरणी, गटविकास अधिकारी यांनी सदर शिक्षकावर निलंबनाची कारवाई केली आहे. 

हेही वाचा - धक्कादायक! आता लक्षणं नसतानाही आढळत आहेत कोरोनाचे रुग्ण

वाशीम जिल्ह्यात कोरोनाच्या अनुषंगाने आपत्ती व्यवस्थापन कायदा 2005, साथरोग अधिनियम 1897 व फौजदारी संहिता 1973 कलम 144 लागू आहे. सहाय्यक शिक्षक रामेश्वर भानुदास सावके हे कारंजा येथील सावरकर चौकातील चौकशी नाक्यावर कर्तव्यावर असताना दारू बाळगल्याचे उघड झाले होते. त्यामुळे कारंजा शहर पोलिसांत गुन्हा दाखल केला करण्यात आला होता.

आवश्यक वाचा - कोरोनाने मारले अन् या व्यवसायाने तारले, लाॅकडाउनमुळे बेरोजगार झालेल्या शेकडो युवकांना मिळतोय रोजगार

त्यामुळे जिल्हा परिषद शाळा वडवी येथील सहाय्यक शिक्षक रामेश्वर भानुदास सावके यांनी वर्तणुकीचा भंग केला. ही बाब स्पष्ट होत असल्याने कर्तव्यात कसूर केली. त्यामुळे त्यांना विविध कलमान्वये सेवेतून निलंबित करण्यात आले आहे. याबाबतचा आदेश कारंजा पंचायत समितीचे गटविकास अधिकारी के. आर. तापी यांनी दिला आहे.