अमरावती : जिल्ह्याचा समावेश फेज तीनमध्ये (Amravati district included in phase three) करण्यात आला आहे. त्यामुळे सोमवारपासून (ता. ७) जिल्ह्यामध्ये अनलॉक (Amravati district unlocked from Monday) करण्यात येणार असून, जिल्हावासीयांना आणखी दिलासा मिळणार आहे. हॉटेल उपाहारगृहांसोबत मॉनिंग वॉक, जिम, लग्नसमारंभाना परवानगी देण्यात आली आहे. (Amravati district included in phase three)

राज्य सरकारकडून देण्यात आलेल्या निकषांनुसार अमरावती जिल्ह्याचा समावेश फेज तीनमध्ये झाला असून, आता सकाळी ७ ते दुपारी ४ पर्यंत सर्व प्रकारच्या दुकानांना सूट दिली जाणार आहे. विशेष म्हणजे पहाटे ५ ते सकाळी ९ पर्यंत क्रीडांगणे, उद्याने, बगीच्यांमध्ये मॉनिंग वॉकला सुद्धा परवानगी राहणार आहे. किराणा दुकाने, दुग्धालये, डेअरी, व्यायामशाळा, स्पा, बाह्य मैदानी खेळ, कृषी दुकानांना वाढीव वेळेत परवानगी राहणार आहे. रुग्णांची पॉझिटिव्हीटी तसेच ऑक्सिजन बेडसचा वापर, राज्य सरकारकडून अनलॉकसाठी घालून दिलेल्या या निकषांप्रमाणे अमरावीत जिल्ह्याचा समावेश फेज तीनमध्ये झाला आहे. त्यानुसार शनिवारी जिल्हाधिकारी शैलेश नवाल यांनी नवीन अध्यादेश काढला.

काय मिळणार दिलासा

फेज तीनचा विचार करता सध्या सकाळी ७ ते दुपारी २ पर्यंत व्यापार, व्यवसाय करण्यास परवानगी आहे. ती वाढवून दुपारी ४ पर्यंत करण्यात आली आहे. हॉटेल उपाहारगृहांना सकाळी ७ ते दुपारी ४ या वेळेत ५० टक्के आसन क्षमतेसह परवानगी राहणार आहे. मध्यागृहे, बारसाठी घरपोच सेवा याच वेळेत राहील.

आंतरजिल्हा वाहतुकीला हिरवी झेंडी

आंतरजिल्हा प्रवासी वाहतुकीला सुद्धा परवानगी देण्यात आली आहे. मात्र, २० टक्के अधिक पॉझिटिव्हीची असलेल्या जिल्ह्यामधून येणाऱ्यांना ई-पासची गरज राहणार आहे.

लग्नसमारंभांना ५० लोकांची परवानगी

लग्न समारंभांना ५० लोकांच्या उपस्थितीला परवानगी देण्यात आली आहे. याशिवाय सभा, बैठका, सहकारी संस्थांची आमसभा यांच्यासाठी सुद्धा हाच निकष लागू राहील.

दर आठवड्याला आढावा

पॉझिटिव्हीटी रेट आणि ऑक्सिजन बेडसची रिक्तता या निकषांच्या आधारावर जरी दिलासा देण्यात आला असला तरी प्रत्येक आठवड्यात जिल्ह्यातील पॉझिटिव्ह रुग्णांच्या आकडेवारीचा आढावा राज्यस्तरावर घेतला जाईल तसेच परिस्थिती पाहून निर्बंध अधिक कठोर किंवा शिथिल करण्यात येणार आहेत.

(Amravati district included in phase three)