चंद्रपूर : जिवती तालुक्यातील पिट्टीगुडा येथील आश्रमशाळेच्या अधीक्षकाने शाळेच्या आवारात गळफास घेऊन आत्महत्या केली. ही घटना बुधवारी (ता. 25) उघडकीस आली. सुभाष पवार (वय 42) असे आत्महत्या करणाऱ्या अधीक्षकाचे नाव आहे.
चंद्रपूर जिल्ह्याच्या शेवटच्या टोकावर असलेल्या जिवती तालुक्यातील पिट्टीगुडा येथील खेमाजी नाईक आश्रमशाळेतील अधीक्षक सुभाष पवार यांनी शाळेच्या आवारात गळफास घेऊन आत्महत्या केली. संस्थाचालकांच्या जाचाला कंटाळून आत्महत्या केल्याचा आरोप मृताच्या नातेवाइकांनी केला आहे. आत्महत्येची घटना उघडकीस येताच गावकऱ्यांनी घटनास्थळी धाव घेतली.
अवश्य वाचा- मूर्तीजापूरच्या जया, निकिता बनल्या न्यायाधीश
त्यानंतर संतप्त जमावाने शाळेचे मुख्याध्यापक लोकचंद राठोड यांना मारहाण केली. त्यानंतर राठोड यांनी स्वतःची जमावाच्या तावडीतून कशीबशी सुटका करीत घटनास्थळापासून जवळच असलेले पोलिस ठाणे गाठले. पोलिस ठाण्यासमोर मोठ्या संख्येने गावकरी गोळा झाले होते. त्यामुळे काही काळ तणावाची स्थिती निर्माण झाली होती. दरम्यान, पोलिसांच्या हस्तक्षेपाने जमावाला शांत करण्यात आले. मुख्याध्यापक राठोड यांना उपचारासाठी गडचांदूर येथील रुग्णालयात हलविण्यात आल्याची माहिती आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.