वरोरा (जि. चंद्रपूर) : अपघाताच्या एका प्रकरणातून सहीसलामत बाहेर काढण्यासाठी दहा हजारांची मागणी करणाऱ्या येथील सहायक पोलिस निरीक्षकाला लाचलुचपत प्रतिबंधक विभागाने मंगळवारी (ता. 16) अटक केली. रमेश खाडे, असे लाच घेणाऱ्या सहायक पोलिस निरीक्षकाचे नाव आहे.
चंद्रपुरातील एक व्यक्ती आपल्या स्विफ्ट या चारचाकी वाहनाने प्रशासनाकडून रीतसर परवानगी घेऊन 21 मे रोजी बहिणीसह मध्य प्रदेशातील शिवनी गावाकडे निघाले होते. त्यांचे वाहन खांबाडा चेकपोस्ट नाक्यावरून समोर गेले. त्याआधी टेमुर्डा ते खांबाडा मार्गावर झालेल्या एका अपघातात एका व्यक्तीचा मृत्यू झाला होता.
त्यामुळे वरोरा पोलिस स्टेशनचे सहायक पोलिस निरीक्षक रमेश खाडे यांनी स्विफ्ट कारमालकाला दूरध्वनी केला. खांबाडा येथील अपघात तुमच्या वाहनाने झाला. त्यामुळे तुमच्यावर गुन्हा दाखल करतो, असे सहायक पोलिस निरीक्षक खाडे यांनी सांगितले.
या प्रकरणातून बाहेर पडायचे असेल तर काही रक्कम द्यावी लागेल, अशी मागणी त्यांनी वाहनमालकाकडे केली होती. अखेर वाहनमालकाने दहा हजार रुपये देण्याचे कबूल केले. दरम्यान, वाहनमालकाने याची तक्रार लाचलुचपत प्रतिबंधक विभागाकडे केली होती. सहायक पोलिस निरीक्षक खाडे यांनी मंगळवारी बोर्डा चौकात पैसे घेऊन बोलाविले होते. वाहनमालक तिथे आधीच हजर होते.
सहायक पोलिस निरीक्षक खाडे आल्यानंतर वाहनमालकाने त्यांना दहा हजार रुपये दिले. तेव्हाच दहा हजार रुपये स्वीकारताना लाचलुचपत प्रतिबंधक विभागाने खाडे यांना ताब्यात घेतले. ही कारवाई लाचलुचपत प्रतिबंधक विभागाच्या अधीक्षक रश्मी नांदेडकर, अपर पोलिस अधीक्षक दुधलवार, उपअधीक्षक अविनाश भांबरे यांच्या मार्गदर्शनात पोलिस निरीक्षक वैशाली ढाले, अजय बागेसर, प्रांजल झिलपे, रवींद्र ढेंगळे, वैभ गाडगे, रोशन चांदेकर यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.