भंडारा : एटीएमचे क्‍लोनिंग कार्ड बनवून बॅंक खात्यातील एक लाख ३४ हजार रुपये काढून घेतल्याची घटना २४ डिसेंबरला घडली होती. या प्रकरणात स्थानिक गुन्हे शाखेने म्होरक्‍याला गजाआड केले आहे.
शहरात २४ डिसेंबरला दोन एटीएम सेंटरमधून चोरट्यांनी पैसे काढले होते. त्याबाबत सायबर सेल सीसीटीव्ही फुटेजचे विश्‍लेषण करताना तीन ते चार आरोपी एटीएममध्ये छेडछाड करताना आढळले. तसेच त्यांच्याकडे सदर खात्याची बॅंकेतून मिळालेली माहिती होती. परंतु, त्यांच्या तोंडावर मास्क असल्याने ओळख पटविणे अवघड झाले.
यातील आरोपींबाबत पोलिसांनी गोपनीय माहिती मिळवली तेव्हा ते मुंबई आणि झारखंड राज्यातील असल्याचे निष्पन्न झाले. त्यावरून पोलिस अधीक्षक वसंत जाधव, अपर पोलिस अधीक्षक अनिकेत भारती यांनी दोन वेगवेगळी पथके तपासासाठी रवाना केली.
मुंबईला गेलेल्या पथकाने तपासात या गुन्ह्यात सहभागी असलेला बॅंक कर्मचारी रणधीरकुमार सिंग याला ताब्यात घेऊन भंडारा येथे आणले. कसून चौकशी केली असता त्याने सदर गुन्ह्यात सहभागी असल्याचे कबूल केले. नंतर त्याला अटक करण्यात आली.
तसेच झारखंड येथील आरोपींच्या शोधात गेलेल्या पथकाला आरोपी मिळाले नाही. परंतु, त्यांच्या घरच्या झडतीत गुन्ह्याशी संबंधित क्‍लोनिंग एटीएम कार्ड व साहित्य मिळाले आहे. ही कारवाई स्थानिक गुन्हे शाखेचे पोलिस निरीक्षक जयवंत चव्हाण, लोकेश कानसे, सुधाकर चव्हाण, नारायण तुरकुंडे, श्रीराम लांबाडे, भूषण पवार आदींनी केली.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.