अमरावती : कोरोना विषाणूचा संसर्ग रोखण्यासाठी लागू संचारबंदीदरम्यान स्थानिक राहुलनगर बिच्छू टेकडी येथे सोमवारी (ता. 25) वाढदिवसाचा केक तलवारीने कापणाऱ्या युवकांविरुद्ध फ्रेजरपुरा पोलिसांनी गुन्हा नोंदविला.
यंकय्यापुरा येथील राजेश रामदास वानखडे या सामाजिक कार्यकर्त्याच्या भ्रमणध्वनीवर त्यांच्या मित्राने व्हॉट्स ऍपद्वारे फोटो पाठविला. त्यामध्ये अश्विन राजेश उके, आकाश राजेश उके, सतीश पाटील हातात तलवार घेऊन मोपेड गाडीच्या सीटवर दोन बर्थडे केक कापताना दिसून आले.
रितेश गवई याने याचे दृश्य कॅमेराबद्ध करून ते समाजमाध्यमावर व्हायरल केले. संबंधित व्यक्ती तोंडाला मास्क न बांधता त्यांनी कोरोना पसरविण्याचा प्रयत्न केला. त्यांच्या या कृत्याने परिसरात दहशतीचे वातावरण निर्माण झाल्याचे राजेश वानखडे यांनी तक्रारीत म्हटले आहे.
तक्रारीवरून फ्रेजरपुरा पोलिसांनी अश्विन उके, आकाश उके, सतीश पाटील, रितेश गवई आणि त्यांच्या अन्य दोन ते तीन साथीदारांविरुद्ध विविध कलमान्वये गुन्हा नोंदविला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.