चंद्रपूर : किराणा व्यावसायिकाने स्वत:च्या दुकानात गळफास घेऊन आत्महत्या केल्याची घटना बल्लारपुरातील कन्नमवार वॉर्डात सोमवारी (ता. 4) रात्री साडेदहाच्या सुमारास उघडकीस आली. शिवअवतार प्रजापती (वय 47) असे मृत किराणा व्यावसायिकाचे नाव आहे. बल्लारपूर पोलिसांनी घटनेची नोंद करून तपास सुरू केला आहे. वृत्तलिहिस्तोवर त्याच्या आत्महत्येचे कारण कळू शकले नाही.
बल्लारपुरातील सुभाष वॉर्डात शिवअवतार प्रजापती हे कुटुंबीयांसह वास्तव्यास होते. कन्नमवार वॉर्डातील न्यू कॉलनी मार्गावर प्रजापती यांचे किराणा दुकान आहे. सोमवारी ते नेहमीप्रमाणे सकाळी दुकानात गेले. नित्याप्रमाणे दुपारच्या सुमारास दुकान बंद करून ते घरी येत होते.
मात्र, सोमवारी संध्याकाळी ते घरी परतलेच नाही. कामाच्या व्यस्ततेत घरी आले नसावे, असा कुटुंबीयांनी अंदाज बांधला. मात्र, रात्रीचे 10 वाजल्यानंतरही ते घरी परतले नाही. त्यामुळे प्रजापती यांचा मुलगा दुकानाकडे गेला. दुकानात बघितले असता गळफास घेतलेल्या स्थितीत त्याचे वडील आढळून आले.
घटनेची माहिती कुटुंबीयांना दिल्यानंतर त्यांनी घटनास्थळाकडे धाव घेतली. पोलिसांनाही माहिती देण्यात आली. पोलिसांनी घटनास्थळ गाठून मृतदेह ताब्यात घेऊन उत्तरीय तपासणीसाठी पाठविला. प्रजापती यांच्यावर अनेकांचे कर्ज आहे. कर्जाच्या ओझ्यातूनच त्यांनी आत्महत्या केल्याची चर्चा परिसरात आहे. मात्र, आत्महत्येचे खरे कारण शोधण्याचे काम पोलिसांकडून सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.