पोंभुर्णा: तालुक्यातील भटाळी येथील वाघाच्या शिकार प्रकरणातील आरोपींकडून दहा वाघनखे, मिशीचे सहा केस, दात आणि हाडे जप्त करण्यात आली आहेत. बुटीबोरी वनविभागाच्या पथकाने भटाळी येथे तीन जणांना वाघाच्या शिकार प्रकरणात ताब्यात घेतले आहे. वाघाच्या शिकारीनंतर त्याचे महत्त्वाचे अवयव काढून त्याला जाळून टाकण्यात आले. अटकेतील आरोपींनी आणखी काही शिकार केली असावी, या दिशेने वनविभागाचा तपास सुरु आहे.
९ सप्टेंबरला पोंभूर्णा भटाळी येथील योगेश तोडासे याला वाघाच्या अवयवाची विक्री करताना बुटीबोरी येथे ताब्यात घेण्यात आले. ही कारवाई बुटीबोरी प्रादेशिक वनपरिक्षेत्र अधिकारी लहू ठोकड यांनी केली. अटकेतील योगेश याने वाघाची शिकार आणि त्यात सहभागी काही आरोपींची माहिती दिली. या माहितीच्या आधारे पोंभुर्णा वनपरिक्षेत्राधिकारी फणींद्र गादेवार, राजुरा वनपरिक्षेत्राचे फिरते पथकाचे वनकर आणि कर्मचारी यांनी आज १० सप्टेंबरला भटाळी गाठून दोन आरोपींना ताब्यात घेतले. त्यांच्याकडून १० वाघनखे, मिशीचे सहा केस, दात आणि हाडे जप्त करण्यात आली.
पथक सिंदेवाहीला रवाना
विजेचा धक्का देऊन वाघाची शिकार करण्यात आली. त्यासाठी वापरला गेलेला तारसुद्धा जप्त करण्यात आला. शिकारीनंतर वाघाचे महत्त्वाचे अवयव काढून त्याला जाळून टाकण्यात आले. या आरोपींच्या अटकेने वन्यप्राण्यांची शिकार करणारे मोठे रॅकेट उघडकीस येण्याची शक्यता आहे. भटाळीच्या वाघाच्या शिकार प्रकरणाचे तार सिंदेवाही परिसरात जुळले आहे. त्याची चौकशी करण्यासाठी एक पथक सिंदेवाहीला रवाना झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.