अकोला : वंचित बहुजन आघाडीच्यावतीने राज्यात सीएए व एनआरसीच्या विरोधात बंदचे आवाहन केले आहे. त्याअनुषंगाने आज (ता.24) ‘वंचित’चे कार्यकर्ते शहरात दुकान बंद करण्याचे आवाहन करत असताना एका हॉटेलमध्ये भाजपचे आमदार चहा पीत बसले होते. यावर आमदारांची कार्यकर्त्यांमध्ये काही प्रमाणात शाब्दिक बोलचाल झाली. या प्रकारामुळे आमदारांच्या चहा पिण्यात व्यत्यय आला व हा विषय परिसरात चर्चेचा ठरला.
सुधारीत नागरिकत्व कायदा (सीएए) व राष्ट्रीय नागरिक नाेंदणीच्या (एनआरसी) विराेधात वंचित बहुजन आघाडीने शुक्रवार, 24 जानेवारी राेजी महाराष्ट्र बंदची हाक दिली होती. या बंदला विविध संघटनांनी प्रतिसाद दिला. अत्यावश्यक सेवा वगळता जिल्ह्यात कडकडीत बंद ठेवण्यात आला. या बंदचे ‘वंचित’चे कार्यकर्ते अकोला शहरात आवाहन करत होते.
आमदार व कार्यकर्त्यांमध्ये शाब्दिक बोलचाल
रेल्वे स्टेशन चौकातील एका चहा दुकानावर भाजपचे आमदार रणधीर सावरकर हे चहा पीत होते. यावेळी काही ‘वंचित’च्या कार्यकर्त्यांनी चहाच्या दुकानदाराला बंदचे आवाहन केले यावर आमदारांची व कार्यकर्त्यांमध्ये काही प्रमाणात शाब्दिक बोलचाल झाली. मात्र, या प्रकारामुळे आमदारांच्या चहा पिण्यात व्यत्यय आला. हा विषय परिसरात चर्चेचा ठरला. यावेळी वंचित बहुजन आघाडीचे कार्यकर्ते चांगलेच आक्रमक दिसून आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.