नागपूर/ अमरावती : विदर्भात कोरोना रुग्णांचा आकडा दररोज वाढतोच आहे. लॉकडाऊन जसजसे शिथील होते आहे, तसतशी कोरोनाची भीती लोकांमध्ये वाढतेच आहे. नागपूरात आज आणखी तीन रुग्णांचा कोरोना अहवाल पॉझिटिव्ह आल्याने नागपूरातील कोरोना रुग्णसंख्या आता 625 झाला आहे. अमरावती शहरातही कोरोनाबाधित रुग्णांची संख्या सातत्याने वाढत असून आज सकाळी आणखी 3 जणांचे अहवाल पॉझिटिव्ह आले आहेत. त्यामुळे कोरोनाबाधितांची संख्या आता 273 झाली आहे.
6 जून रोजी सकाळी 9.15 वाजता आलेल्या अहवालात वडाळी येथील 65 वर्षीय,
समाधान नगर येथील 37 व अचलपूर तालुक्‍यातील काकडा येथील 23 वर्षीय पुरुषाचा समावेश आहे.
शहरात दरदिवसाला सरासरी 10 कोरोनाबाधित आढळण्याची मालिका कायम असून शुक्रवारी (ता. पाच) दोन पुरुष आणि नऊ महिला, असे एकूण अकरा व्यक्ती कोरोनाबाधित आढळले आहेत.
श्री संत गाडगेबाबा अमरावती विद्यापीठातील विषाणू चाचणी प्रयोगशाळेतून सकाळी चार आणि दुपारी सात अहवाल पॉझिटिव्ह प्राप्त झाले. त्यात फ्रेजरपुरा व रुक्‍मिणीनगर येथील अनुक्रमे 35 व 23 वर्षीय महिलेचा समावेश आहे. यापूर्वी या भागात संक्रमित आढळलेल्यांशी या महिला संबंधित आहेत. रुक्‍मिणीनगर येथील खासगी रुग्णालयात वेगळ्या आजाराने उपचारार्थ दाखल 21 वर्षीय मुलगी, तिचे वडील (वय 52), आई (वय 44) यांचा अहवाल पॉझिटिव्ह आला. औरंगपुरा येथे यापूर्वी पॉझिटिव्ह आढळलेल्या तरुणाची पत्नी (वय22), जलारामनगर येथील रहिवासी व एका फायनान्स कंपनीच्या रोखपालाच्या संपर्कातील मंगलधाम कॉलनीतील युवक (वय 31) तसेच बुधवारा येथील तीन महिला (वय अनुक्रमे 26, 45 व 22) आणि अन्सारनगर येथील 65 वर्षीय महिला यांचे कोरोना चाचणी अहवाल पॉझिटिव्ह आढळले.

सविस्तर वाचा - तुमचे मुंढे तर आमचे डॉ. उपाध्याय, सोशल मीडियावर रंगतोय हा सामना
यासोबत जिल्ह्यात शुक्रवारी सायंकाळपर्यंत एकूण कोरोनाबाधितांची संख्या 270 वर पोहोचली. लॉकडाउन-5 हा 1 जूनपासून लागू झालेला आहे. 1 ते 5 जून या पाच दिवसांत जिल्ह्यात 51 कोरोनाबाधित आढळले आहेत.