दिग्रस (जि. यवतमाळ) : तालुक्यातील आरंभी येथील एका युवा शेतकऱ्याच्या खात्यात जमा झालेली पीक विम्याची रक्कम अज्ञात व्यक्तीने खोटी आणि बनावट सही करून उडविली. हा प्रकार येथील यवतमाळ जिल्हा मध्यवर्ती सहकारी बॅंकेच्या दिग्रस शाखेत उघडकीस आला. त्यामुळे त्रस्त शेतकऱ्याने दिग्रस पोलिस ठाण्यात तक्रार दिली आहे.
आरंभी येथील विनोद राजूसिंग राठोड या तरुण शेतकऱ्याचे दिग्रस येथील यवतमाळ जिल्हा मध्यवर्ती सहकारी बॅंकेत खाते आहे. त्यांच्या खात्यात पीकविम्याची दहा हजार दोनशे रुपये इतकी रक्कम जमा झाली होती. मात्र, 2 जून 2020 रोजी अज्ञात व्यक्तीने विनोद राठोड यांची खोटी आणि बनावट सही विड्रॉलवर करून खात्यातून दहा हजार दोनशे रुपये काढून फसवणूक केली. त्यामुळे राठोड यांचे नुकसान झाले.
याबाबत पीडित शेतकऱ्याने 8 जून रोजी बॅंकेत जाऊन विड्रॉल टाकला असता खात्यात रक्कम नसल्याचे बॅंकेकडून सांगण्यात आले. त्यामुळे त्याने सोमवारी (ता.15) बॅंकेकडे न्याय मिळण्यासाठी अर्ज केला. तरीही कोणतीच हालचाल होत नसल्याचे पाहून अखेर त्या शेतकऱ्याने पोलिस ठाण्यात तक्रार केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.