सहस्त्रकुंड (जि. यवतमाळ) ः १० आॅक्टोबर रोजी पैनगंगा नदीवरील मुरली येथील बंधाऱ्याचे पाणी अचानक सोडण्यात आल्यामुळे सहस्त्रकुंड धबधबा बघण्यासाठी अलेली एक महिला पर्यटन वाहून गेल्याची घटना सायंकाळी चार वाजेदरम्यान घडली होती. तब्बल चार दिवसांनी सदर महिलेचा मृतदेह आढळून आला.
याबाबत मिळालेल्या माहितीनुसार, यवतमाळ येथील पंजाब नॅशनल बॅंकेचे व्यवस्थापक संतोष कुमार १० रोजी शनिवारी सुटी असल्याने आपल्या कुटुंबीयांसह सहस्त्रकुंड धबधबा पाहण्यासाठी आले होते. सर्व जण नदीकाठी उभे राहून मनमोहक दृश्याचा आनंद घेत असताना पैनगंगा नदीवर मुरली गावाच्या वरच्या बाजूने असलेल्या बंधाऱ्यातील पाणी अचानक सोडण्यात आले.
त्यामुळे नदीच्या पाण्याची पातळी वाढली त्यात ममता कुमारे वाहून गेल्याची घटना घडली होती. तब्बल चार दिवसांच्या प्रतीक्षेनंतर आज त्यांचा मृतदेह अचानक आढळून आला. शवविच्छेदनानंतर त्यांच्या पार्थिवावर अंत्यसंस्कार करण्यात आले. त्यांचा मृतदेह शोधण्यासाठी पोलिस प्रशासनाने परिश्रम घेतले. बिटरगावचे सपोनि विजय चव्हाण, व इस्लापूरचे सपोनि किनगे, उपनिरीक्षक कांदे, यांनी सहकार्य केले.
संपादन : अतुल मांगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.