अमरावती :  अमरावतीत कोरोना बाधित खासगी डॉक्टरचा आज मृत्यू झाला. २ मे पासून कोविड रुग्णालयात त्यांच्यावर उपचार सुरू होते. पहिल्या दिवसापासुनच ते ऑक्सिजनवर होते. आज-उद्या डिस्चार्ज दिला जाणार होता, त्यासाठी दुसऱ्या अहवालाची प्रतीक्षा केली जात होती. त्यापूर्वीच त्यांचा मृत्यू झाला.
दरम्यान आज आणखी 1 पोझटिव्ह रुग्ण आढळून आल्याने अमरावतीत कोरोनाबाधितांची संख्या 90 झाली आहे.
काल रात्री जिल्ह्यातील पाच व्यक्तींचे कोरोना चाचणी अहवाल पॉझिटिव्ह आले होते. त्यात एक महिला व चार पुरुषांचा समावेश होता.
जिल्हा शल्य चिकित्सकांकडून काल सायंकाळी  प्राप्त माहितीनुसार, स्थानिक अंबिकानगर परिसरातील ४३ वर्षीय तसेच लालखडी परिसरातील 65 वर्षीय पुरुष, बेलपुरा परिसरातील 30 वर्षीय पुरुष आणि नांदगावपेठ परिसरातील 60 वर्षीय महिलेचा अहवाल पॉझिटिव्ह आला होता. बेलपुरा आणि नांदगांवपेठ या परीसरातही नव्याने रुग्ण आढळले आहेत.
उपरोल्लेखित अहवाल श्री संत गाडगेबाबा अमरावती विद्यापीठाच्या प्रयोगशाळेतून प्राप्त झाले आहेत. त्याचप्रमाणे नागपूर येथील ध्रुव पॅथॉलॉजी व मोलेक्युलर डायग्नोस्टिक्स लॅबतर्फे एक अहवाल प्राप्त झाला होता. त्यानुसार 49 वर्षीय पुरुष  पॉझिटिव्ह असल्याचे कळले. प्राथमिक माहितीनुसार ही व्यक्ती परतवाडा येथील असल्याचे समजते.

सविस्तर वाचा - गर्भवती मातांना सारीसह कोरोनाचा धोका, अशी घ्यावी काळजी
या पाच व आज प्राप्त एका अहवालासोबतच अमरावतीतील कोरोना बाधितांची संख्या ९० झालेली आहे. त्यात १२ मृतांचा समावेश आहे. तर ५६ रुग्ण बरे होऊन घरी गेले आहेत.